شىمكەنتتەگٸ نۇراي سەرٸكبايدىڭ قازاسى بويىنشا تەرگەۋ اياقتالدى, دەپ حابارلايدى ult.kz.
بۇل جٶنٸندە جەبٸرلەنۋشٸ تاراپتىڭ ادۆوكاتى ايانحان وماروۆ مەلٸمدەدٸ.
«بٷگٸنگٸ كٷنگە دەيٸن جەبٸرلەنۋشٸ تاراپ پەن ولاردىڭ ادۆوكاتى قىلمىستىق ٸستٸڭ 1–7 تومدارىمەن تانىسىپ, ولاردىڭ كٶشٸرمەلەرٸن الدىق. قازٸرگٸ ۋاقىتتا قىلمىستىق ٸس ماتەريالدارىمەن تانىسۋ جالعاسۋدا. ٸستٸڭ بارلىق قاتىسۋشىسى زاڭدا كٶزدەلگەن قۇقىقتارىن تولىق پايدالانىپ بولعاننان كەيٸن ٸس سوتقا جولدانادى», – دەپ حابارلادى ادۆوكات.
ايتا كەتەيٸك, قاندى قىلمىس 11 قاڭتاردا جاسالعان. سول كٷنٸ كەشكە شىمكەنت قالاسىندا 21 جاستاعى نۇراي سەرٸكبايدى تانىسى 11 جەرٸنەن پىشاقتاپ ٶلتٸرگەن.
بۇل فاكت بويىنشا ادام ٶلتٸرۋ, نەكەگە تۇرۋعا مەجبٷرلەۋ جەنە ستالكينگ بويىنشا قىلمىستىق ٸس قوزعالدى. 28 جاستاعى كٷدٸكتٸ 13 قاڭتاردا شىمكەنتتەن ون شاقىرىم جەردەن ۇستالىپ, قاماۋعا الىندى.
