«QTJ-Júk tasymaly» JShS bas direktorynyń orynbasary Qanat Kóbesov elordada kómirge suranys artqanyn aitty, dep habarlaidy QazAqparat.
«Kómirdiń lezde satylyp ketýi suranystyń joǵary bolýymen túsindirilip otyr. Bul rette suranys aitarlyqtai ósti. Elordanyń aýmaǵy aitaryqtai ósti, turǵyndar sany jyl saiyn artyp keledi. Statistikaǵa súiensek, 9 aida 77 mln tonna shamasynda jónelttik, bul byltyrǵydan 4 paiyzǵa artyq. Osy kórsetkish kómirge suranystyń artqanyn baiqatyp otyr», - dedi Kóbesov elordadaǵy kómir ótkizetin oryndardy aralaý kezinde.
Onyń aitýynsha, dúrbeleń týdyrmas úshin kómir ótkizetin oryndardyń ókilderi turǵyndarǵa tiisti aqparat berýi kerek.
«Bul turǵyda qyzmet kórsetý laiyqty deńgeide bolýy tiis, turǵyndarmen jumys istegen jón. Bizde monitoringilik toptar kún saiyn barlyq kómir jetkiziletin oryndardy aralaidy», - dedi ol.
Budan buryn habarlanǵandai, Qanat Kóbesov elordany kómirmen qamtamasyz etýge qatysty túsinik berdi.
«Aitarlyqtai dúrbeleń (kómir satylatyn temir jol tuiyqtarynda) joq. Oryn alǵan dúrligý alypsatarlyq, iaǵni ol kómir satýshylarmen tikelei bailanysty. Qarapaiym ǵana statistikalyq derek keltire keteiin, qazan aiynyń 7 kúniniń ishinde Nur-Sultanǵa 171 vagon kómir túsirdik», - dedi ol.
