«قتج-جٷك تاسىمالى» جشس باس ديرەكتورىنىڭ ورىنباسارى قانات كٶبەسوۆ ەلوردادا كٶمٸرگە سۇرانىس ارتقانىن ايتتى, دەپ حابارلايدى قازاقپارات.
«كٶمٸردٸڭ لەزدە ساتىلىپ كەتۋٸ سۇرانىستىڭ جوعارى بولۋىمەن تٷسٸندٸرٸلٸپ وتىر. بۇل رەتتە سۇرانىس ايتارلىقتاي ٶستٸ. ەلوردانىڭ اۋماعى ايتارىقتاي ٶستٸ, تۇرعىندار سانى جىل سايىن ارتىپ كەلەدٸ. ستاتيستيكاعا سٷيەنسەك, 9 ايدا 77 ملن توننا شاماسىندا جٶنەلتتٸك, بۇل بىلتىرعىدان 4 پايىزعا ارتىق. وسى كٶرسەتكٸش كٶمٸرگە سۇرانىستىڭ ارتقانىن بايقاتىپ وتىر», - دەدٸ كٶبەسوۆ ەلورداداعى كٶمٸر ٶتكٸزەتٸن ورىنداردى ارالاۋ كەزٸندە.
ونىڭ ايتۋىنشا, دٷربەلەڭ تۋدىرماس ٷشٸن كٶمٸر ٶتكٸزەتٸن ورىنداردىڭ ٶكٸلدەرٸ تۇرعىندارعا تيٸستٸ اقپارات بەرۋٸ كەرەك.
«بۇل تۇرعىدا قىزمەت كٶرسەتۋ لايىقتى دەڭگەيدە بولۋى تيٸس, تۇرعىندارمەن جۇمىس ٸستەگەن جٶن. بٸزدە مونيتورينگٸلٸك توپتار كٷن سايىن بارلىق كٶمٸر جەتكٸزٸلەتٸن ورىنداردى ارالايدى», - دەدٸ ول.
بۇدان بۇرىن حابارلانعانداي, قانات كٶبەسوۆ ەلوردانى كٶمٸرمەن قامتاماسىز ەتۋگە قاتىستى تٷسٸنٸك بەردٸ.
«ايتارلىقتاي دٷربەلەڭ (كٶمٸر ساتىلاتىن تەمٸر جول تۇيىقتارىندا) جوق. ورىن العان دٷرلٸگۋ الىپساتارلىق, ياعني ول كٶمٸر ساتۋشىلارمەن تٸكەلەي بايلانىستى. قاراپايىم عانا ستاتيستيكالىق دەرەك كەلتٸرە كەتەيٸن, قازان ايىنىڭ 7 كٷنٸنٸڭ ٸشٸندە نۇر-سۇلتانعا 171 ۆاگون كٶمٸر تٷسٸردٸك», - دەدٸ ول.
