Nur-Sultan qalasynyń turǵyny áleýmettik jelide tanysqan er adamdy tonap ketti, dep habarlaidy "Ult aqparat" qalalyq Politsiia departamentiniń baspasóz qyzmetine silteme jasap.
Urlyq faktisi boiynsha politsiiaǵa 59 jastaǵy er adam júgingen. Ol «Drýg vokrýg» mobildi qosymshasy arqyly 46 jastaǵy kelinshekpen tanysqanyn habarlady. Onlain tanystyqtan keiin kelinshek onymen kezdeskisi kelgen. Ári qarai tanystyq jaldamaly páterde jalǵasqan. Páter ishinde er adam jýynýǵa ketkende, kelinshek onyń kúrteshesiniń qaltasynan 125 myń teńge kóleminde aqshany urlap, izin sýytqan.
Kriminaldyq politsiia qyzmetkerleri jedel izdestirý sharalaryn júrgizý kezinde kúdikti áieldi ustady. Kelinshek óz kinásin moiyndady. Onyń elorda aýmaǵynda osyǵan uqsas qylmystarǵa qatysy bar-joǵy anyqtalýda. Atalǵan fakti boiynsha qylmystyq is qozǵaldy. Áiel jábirlenýshige urlanǵan qarajatty qaitardy.
Nur-Sultan qalasy Politsiia departamenti azamattardy abai bolýǵa shaqyrady, jaqyn tanys emes adamdarǵa senbeýge jáne baǵaly zattardy qaraýsyz qaldyrmaýǵa keńes beredi.
