نۇر-سۇلتان قالاسىنىڭ تۇرعىنى ەلەۋمەتتٸك جەلٸدە تانىسقان ەر ادامدى توناپ كەتتٸ, دەپ حابارلايدى "ۇلت اقپارات" قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۇرلىق فاكتٸسٸ بويىنشا پوليتسيياعا 59 جاستاعى ەر ادام جٷگٸنگەن. ول «درۋگ ۆوكرۋگ» موبيلدٸ قوسىمشاسى ارقىلى 46 جاستاعى كەلٸنشەكپەن تانىسقانىن حابارلادى. ونلاين تانىستىقتان كەيٸن كەلٸنشەك ونىمەن كەزدەسكٸسٸ كەلگەن. ەرٸ قاراي تانىستىق جالدامالى پەتەردە جالعاسقان. پەتەر ٸشٸندە ەر ادام جۋىنۋعا كەتكەندە, كەلٸنشەك ونىڭ كٷرتەشەسٸنٸڭ قالتاسىنان 125 مىڭ تەڭگە كٶلەمٸندە اقشانى ۇرلاپ, ٸزٸن سۋىتقان.
كريمينالدىق پوليتسييا قىزمەتكەرلەرٸ جەدەل ٸزدەستٸرۋ شارالارىن جٷرگٸزۋ كەزٸندە كٷدٸكتٸ ەيەلدٸ ۇستادى. كەلٸنشەك ٶز كٸنەسٸن مويىندادى. ونىڭ ەلوردا اۋماعىندا وسىعان ۇقساس قىلمىستارعا قاتىسى بار-جوعى انىقتالۋدا. اتالعان فاكتٸ بويىنشا قىلمىستىق ٸس قوزعالدى. ەيەل جەبٸرلەنۋشٸگە ۇرلانعان قاراجاتتى قايتاردى.
نۇر-سۇلتان قالاسى پوليتسييا دەپارتامەنتٸ ازاماتتاردى اباي بولۋعا شاقىرادى, جاقىن تانىس ەمەس ادامدارعا سەنبەۋگە جەنە باعالى زاتتاردى قاراۋسىز قالدىرماۋعا كەڭەس بەرەدٸ.
