Nur-Sultanda alty naýqastyń jaǵdaiy aýyr dep habarlady qalalyq densaýlyq saqtaý basqarmasynyń jetekshisi Sáýle Qisyqova.
"Qazir statsionarda 159 adam emdelip jatyr, altaýynyń jaǵdaiy aýyr, eki naýqas ókpeni jasandy jeldetý apparatyna qosylǵan" dedi ol seisenbi kúngi brifing kezinde.
Onyń aitýynsha, naýqastardyń basym bóligi - buryn statsionarǵa oqshaýlanyp nemese úi karantinine jiberilgen adamdar.
Densaýlyq saqtaý basqarmasy jetekshisiniń aitýynsha, qalada statsionarlyq baqylaýda jalpy 1693 adam bar.
Sońǵy derek boiynsha, Qazaqstanda koronavirýs juqtyrǵan naýqastar sany 325-ke jetken. Nur-Sultan qalasy koronavirýs juqtyrǵandar sany boiynsha respýblikada birinshi orynda tur. Munda 175 adamnan virýs tabylǵan. 31 naýryzda Sáýle Qisyqova Nur-Sultanda 50 jastaǵy er adamnyń koronavirýstan qaitys bolǵanyn aitqan. Buǵan deiin 26 naýryzda Aqmola oblysy Qosshy aýylynda 65 jastaǵy áiel adam koronavirýstan qaitys bolǵan. Osylaisha Qazaqstanda koronavirýstan barlyǵy eki adam kóz jumdy.
