نۇر-سۇلتاندا التى ناۋقاستىڭ جاعدايى اۋىر دەپ حابارلادى قالالىق دەنساۋلىق ساقتاۋ باسقارماسىنىڭ جەتەكشٸسٸ سەۋلە قيسىقوۆا.
"قازٸر ستاتسيوناردا 159 ادام ەمدەلٸپ جاتىر, التاۋىنىڭ جاعدايى اۋىر, ەكٸ ناۋقاس ٶكپەنٸ جاساندى جەلدەتۋ اپپاراتىنا قوسىلعان" دەدٸ ول سەيسەنبٸ كٷنگٸ بريفينگ كەزٸندە.
ونىڭ ايتۋىنشا, ناۋقاستاردىڭ باسىم بٶلٸگٸ - بۇرىن ستاتسيونارعا وقشاۋلانىپ نەمەسە ٷي كارانتينٸنە جٸبەرٸلگەن ادامدار.
دەنساۋلىق ساقتاۋ باسقارماسى جەتەكشٸسٸنٸڭ ايتۋىنشا, قالادا ستاتسيونارلىق باقىلاۋدا جالپى 1693 ادام بار.
سوڭعى دەرەك بويىنشا, قازاقستاندا كوروناۆيرۋس جۇقتىرعان ناۋقاستار سانى 325-كە جەتكەن. نۇر-سۇلتان قالاسى كوروناۆيرۋس جۇقتىرعاندار سانى بويىنشا رەسپۋبليكادا بٸرٸنشٸ ورىندا تۇر. مۇندا 175 ادامنان ۆيرۋس تابىلعان. 31 ناۋرىزدا سەۋلە قيسىقوۆا نۇر-سۇلتاندا 50 جاستاعى ەر ادامنىڭ كوروناۆيرۋستان قايتىس بولعانىن ايتقان. بۇعان دەيٸن 26 ناۋرىزدا اقمولا وبلىسى قوسشى اۋىلىندا 65 جاستاعى ەيەل ادام كوروناۆيرۋستان قايتىس بولعان. وسىلايشا قازاقستاندا كوروناۆيرۋستان بارلىعى ەكٸ ادام كٶز جۇمدى.
