Parij sáýletshileri men qurylysshylary 15 sáýirde órtengen Notr-Dam de Pari shirkeýiniń konstrýktsiiasyn tekserip, nyǵaitty. Oqiǵa ornynda jumys istegen órt sóndirýshiler apta sońynda shirkeýden kete bastady, dep habarlady Frantsiianyń resmi oryndary.
Qalalyq órt sóndirý qyzmetiniń resmi ókili Associated Press agenttigine mamandardyń shirkeý qabyrǵasynyń qulamaityndai nyǵaiǵanyna kózi jetkenin aitqan. Maman qansha órt shalsa da, shirkeýdiń qulamai qalǵanyna tańdanǵan.
Qazir órttiń sebepteri anyqtalyp jatyr. Le Parisien basylymy órtke kompiýterlik aqaý sebep bolýy múmkin dep boljaidy. Dál osy aqaýdyń saldarynan órt sóndirýshilerge oqiǵa orny jaily qate aqparat túsken. Tergeýshiler restavratsiia kezinde qoldanylǵan ýaqytsha liftilerdiń jaǵdaiyn tekserip jatyr. Olardyń pikirinshe, dál osy liftiler órttiń shyǵýyna sebep bolýy múmkin.
Toǵyz ǵasyr boiy Frantsýz mádenieti men tarihynyń simvoly sanalyp kelgen shirkeý qurylysy 12 ǵasyrdyń ortasynda bastalyp, 200 jylǵa sozylǵan. Órt kezinde shirkeýdiń qorǵasynnan quiylǵan shatyry qulady, ony 19 ǵasyrda sáýletshi Ejen Violle-le-Diýk salǵan.
