پاريج سەۋلەتشٸلەرٸ مەن قۇرىلىسشىلارى 15 سەۋٸردە ٶرتەنگەن نوتر-دام دە پاري شٸركەۋٸنٸڭ كونسترۋكتسيياسىن تەكسەرٸپ, نىعايتتى. وقيعا ورنىندا جۇمىس ٸستەگەن ٶرت سٶندٸرۋشٸلەر اپتا سوڭىندا شٸركەۋدەن كەتە باستادى, دەپ حابارلادى فرانتسييانىڭ رەسمي ورىندارى.
قالالىق ٶرت سٶندٸرۋ قىزمەتٸنٸڭ رەسمي ٶكٸلٸ اssociated Press اگەنتتٸگٸنە مامانداردىڭ شٸركەۋ قابىرعاسىنىڭ قۇلامايتىنداي نىعايعانىنا كٶزٸ جەتكەنٸن ايتقان. مامان قانشا ٶرت شالسا دا, شٸركەۋدٸڭ قۇلاماي قالعانىنا تاڭدانعان.
قازٸر ٶرتتٸڭ سەبەپتەرٸ انىقتالىپ جاتىر. Le Parisien باسىلىمى ٶرتكە كومپيۋتەرلٸك اقاۋ سەبەپ بولۋى مٷمكٸن دەپ بولجايدى. دەل وسى اقاۋدىڭ سالدارىنان ٶرت سٶندٸرۋشٸلەرگە وقيعا ورنى جايلى قاتە اقپارات تٷسكەن. تەرگەۋشٸلەر رەستاۆراتسييا كەزٸندە قولدانىلعان ۋاقىتشا ليفتٸلەردٸڭ جاعدايىن تەكسەرٸپ جاتىر. ولاردىڭ پٸكٸرٸنشە, دەل وسى ليفتٸلەر ٶرتتٸڭ شىعۋىنا سەبەپ بولۋى مٷمكٸن.
توعىز عاسىر بويى فرانتسۋز مەدەنيەتٸ مەن تاريحىنىڭ سيمۆولى سانالىپ كەلگەن شٸركەۋ قۇرىلىسى 12 عاسىردىڭ ورتاسىندا باستالىپ, 200 جىلعا سوزىلعان. ٶرت كەزٸندە شٸركەۋدٸڭ قورعاسىننان قۇيىلعان شاتىرى قۇلادى, ونى 19 عاسىردا سەۋلەتشٸ ەجەن ۆيوللە-لە-ديۋك سالعان.
