Noǵai ishan meshiti Ońtústik Qazaqstan oblysynyń Sozaq aýdanynda ornalasqan. Nysannyń qurylys jumysy 1902-1903 jyldar aralyǵynda júrgizilgen.
Meshit 1981 jylǵy 29 qańtarda Shymkent oblystyq halyqtyq depýtattar keńesi Atqarý komitetiniń №61 sheshimimen memlekettik qorǵaýǵa respýblikalyq mańyzy bar sáýlet eskertkishi retinde alynǵan.
Noǵai ishannyń azan shaqyryp qoiǵan esimi Shahiahmed. Qazaq dalasyna islam dinin nasihattaýshy Shahiahmed myrza Mekkege baryp qajy atanyp, sol saparynda ilim-bilim alyp, «ishan» dárejesin iemdenedi. Shahiahmed qazaq eline tatar elinen kelgendikten el «Noǵai ishan» dep atap ketken.
Meshittiń ǵimaraty bir qabatty, jer betinen biiktigi 12,2 m. Meshit ǵimaraty soltústik-batys jaǵynan biiktigi 4,9 m bolatyn aivanmen jalǵasady. Noǵai Ishan meshiti kúidirilgen kirpishten turǵyzylsa da onyń kóptegen qurylymdaryna aǵash pen temir paidalanylǵan. Qurylystyń jalpy aýdany 32*15 m. Meshittiń ońtústik-shyǵys jáne ońtústik-batys bóligindegi qasbeti tiktórtburyshty jáne kóldeneń belbeýlermen bezendirilgen. Meshit lodjiiasy shynysynyń tor túrinde súiir keskinmen oryndalǵandyǵymen jáne kúmbeziniń ishki bóliginde salynǵan órnekterimen erekshelenedi. Búiirinde shaǵyn munaralary bar kireberis portaly óte qyzyqty. Onyń qýys-dáliziniń ústinde aǵashtan túiin túigendei etip asa sheberlikpen jasalǵan tor terezeli lodjiiasy bar. Ǵimarattyń ortasynda úlken namaz oqý zaly ornalasqan. Ol shyǵysyndaǵy aivan-galereiamen esik oiyǵy arqyly bailanysady. Galereia tóbesiniń órnektelgen qarylaryn aǵash baǵanalar tirep tur. Namaz bólmeleriniń ústińgi bóligi órnektermen naqyshtalǵan. Piiaz ispetti kúmbezshemen aiaqtalatyn shatyrly tóbe bas zaldyń tórt qyrly pishinin asqaqtatyp tur. Meshit sáýletinde musylman álemine tán dástúrli pishinder HIH-HH ǵasyrlar aralyǵyna tán sáýlet óneri elementterimen úilesimdi ushtastyrylǵan.
Meshit 1896 jyldan 1928 jylǵa deiin jumys istegen. 1928 jyldan bastap 1993 jylǵa deiin astyq qoimasy, klýb retinde paidalanylǵan. 1993 jyldan bastap meshit qyzmetin atqaryp tur.
Meshitte 1989 jylǵa deiin aǵymdaǵy jóndeý jumystary atqarylyp kelgen. Al 2017 jyly meshitti tolyq qaita jańǵyrtý jumysyn qazirgi «Qazqaitajańartý» respýblikalyq memlekettik kásiporny atqardy.
«Qazqaitajańartý» respýblikalyq memlekettik kásipornynyń mamandarymen meshittiń syrtqy bóligindegi kirpishteri jáne aivan edeniniń kirpishteri ishinara almastyryldy, osyǵan qosa, aivan qurylymy qaita qalpyna keltirildi. Shatyrdyń jaramsyz kúige túsken bólikteri jańartylyp, shatyr beti eski boiaýdan tazartylyp, qaita boialdy. Meshittiń terezeleri de almastyrylyp, syrlandy. Sýaǵar qubyrlar tolyǵymen almastyryldy. Ǵimarattyń syrtqy qabyrǵasyndyǵy kirpishterdiń jikterin árleý jumysy, ishki qabyrǵasyn eski sylaqtan tazalaý jáne qaita sylaý jumystary tolyǵymen júgizilip aiaqtaldy.
