Nazym Qaharman burynǵy kúieýi, sottalǵan eks-ministr Qýandyq Bishimbaevtyń anasy Almira Nurlybekovanyń ózine qatysty 25 million teńgege jýyq soma óndirý týraly talap aryz bergenin málimdedi, dep habarlaidy ult.kz.
Onyń aitýynsha, bul – Bishimbaevtar otbasynyń sońǵy eki jyl ishinde ózine qarsy joldaǵan tórtinshi talap aryzy. Al burynǵy enesi tarapynan berilgen alǵashqy talap osy eken.
Qaharmannyń sózinshe, daý onyń ekinshi balasy dúniege kelgennen keiin senimgerlik basqarýǵa alǵan fitnes-klýbqa bailanysty týyndaǵan. Aitýynsha, klýb ornalasqan ǵimarat Almira Nurlybekovanyń atyna rásimdelgen, al ózi biznesti senimgerlik basqarý sharty negizinde júrgizgen.
«Ol kezde ózimdi jaqsy otbasyǵa keldim dep oiladym. Keiin senimgerlik basqarý shartynyń osyndai daýǵa negiz bolýy múmkin ekenin túsindim. Endi birneshe jyldan keiin osy biznes arqyly túsken qarajatty qaitarýdy talap etip otyr», – dedi ol.
Sondai-aq Qaharman bul jaǵdaidan keiin ózi de sotqa júginýdi josparlap otyrǵanyn aitty. Onyń sózinshe, burynǵy jubaiynan aliment tolyq kólemde tólenbegen, sondyqtan ol aliment óndirý týraly talap qoiýdy kózdep otyr.
