Qazaqstannyń burynǵy prezidenti Nursultan Nazarbaevtyń 21 jastaǵy uly Taýman Nazarbaevtyń úilenetini týraly aqparat tarady, dep habarlaidy ult.kz.
Ulysmedia.kz dereginshe, úilený toiy Astanadaǵy The Ritz-Carlton qonaqúiinde ótýi múmkin ekenin jazdy. Aqparatqa sáikes, sharaǵa kásipkerler, saiasatkerler jáne Nazarbaev prezident bolǵan jyldary joǵary laýazymdy qyzmet atqarǵan tulǵalar shaqyrylýy yqtimal.
Sondai-aq qonaqúi aýmaǵynda qaýipsizdik sharalary kúsheitilgeni aitylǵan. Qalyńdyǵy - Indýstriia jáne infraqurylymdyq damý ministriniń burynǵy orynbasary Ádilbek Sársembaevtyń qyzy.
Taýman Nazarbaev 2005 jyly dúniege kelgen. Onyń anasy — Asel Isabaeva, burynǵy «Miss Qazaqstan» baiqaýynyń jeńimpazy. Ol 1999 jyly eldiń eń sulý arýy atanǵan.
Nursultan Nazarbaev óziniń «Meniń ómirim. Táýeldilikten erkindikke» atty memýarynda Asel Isabaevamen musylmandyq salt boiynsha nekege turǵanyn jazǵan. Osy nekeden Taýman jáne Baiken esimdi eki uly bar.
Aita keteiik, buǵan deiin Nursultan Nazarbaevtyń densaýlyǵyna bailanysty Quryltai sailaýynda úiinen daýys bergeni týraly aqparat taraǵan edi.
