Qazaqstan Prezidenti Nursultan Nazarbaev TMD elderi basshylarynyń beiresmi sammitine qatysty, dep habarlaidy "Ult aqparat" Aqordanyń baspasóz qyzmetine silteme jasap
Kezdesýge Ázerbaijan Respýblikasynyń Prezidenti I.Áliev, Armeniia Respýblikasynyń Prezidenti S.Sargsian, Belarýs Respýblikasynyń Prezidenti A.Lýkashenko, Qyrǵyz Respýblikasynyń Prezidenti S.Jeenbekov, Moldova Respýblikasynyń Prezidenti I.Dodon, Resei Federatsiiasynyń Prezidenti V.Pýtin, Tájikstan Respýblikasynyń Prezidenti E.Rahmon jáne Ózbekstan Respýblikasynyń Prezidenti Sh.Mirziioev qatysty.
Memleketter basshylary jiyn barysynda Resei Federatsiiasynyń TMD-ǵa 2017 jyly tóraǵalyq etýin qorytyndylady.
Nursultan Nazarbaev Vladimir Pýtindi TMD-ǵa tóraǵalyǵynyń tabysty aiaqtalýymen quttyqtap, Resei Federatsiiasynyń Eýraziialyq keńistiktegi integratsiiany damytý jáne Dostastyqtyń halyqaralyq bedelin nyǵaitý úshin atqarǵan jumysynyń mańyzdylyǵyn atap ótti.
Memleket basshysy biylǵy qarashada Minsk qalasynda ótken Ujymdyq qaýipsizdik shart uiymynyń sammitinde óńirlik jáne halyqaralyq kún tártibiniń meilinshe ózekti máseleleri qarastyrylǵanyn aitty.
- Bizde kelissóz arqyly sheshe almaǵan másele joq. Bárimizge egemendik pen ózara qurmet qaǵidattaryn negizge alyp, ári qarai jumys isteý qajet, - dedi Qazaqstan Prezidenti.
Nursultan Nazarbaev Vladimir Pýtinge Resei Federatsiiasy Prezidentiniń aldaǵy sailaýynda tabys tilep, Reseidiń kópultty halqy durys sheshim qabyldaitynyna senim bildirdi.
Sońynda taraptar túrli salalardaǵy memleketaralyq yntymaqtastyqty odan ári damytý máseleleri jóninde pikir almasyp, kelesi jyly TMD-ǵa tóraǵalyq etýine orai Tájikstan Respýblikasyna sáttilik tiledi.
