Qazaqstan Prezidenti Nursultan Nazarbaev terrorizmge qarsy kúres sharalaryn kúsheitýdi qarastyratyn zańǵa qol qoidy, - dep habarlaidy "Ult aqparat".
"Memleket basshysy Qazaqstan Respýblikasynyń ekstremizm men terrorizmge qarsy turý sharalaryn kúsheitýge baǵyttalǵan "Qazaqstan Respýblikasynyń ekstremizm jáne terrorizmge qarsy turý máseleleri týraly keibir zańnamalyq aktilerine ózgerister men tolyqtyrýlar engizý týraly" zańyna qol qoidy. Zań mátini tolyq basylyp shyǵarylady.
Al, zań jobasyn qabyldaýdaǵy maqsat - terrorizm jáne ekstermizm, qarý-jaraq ainalymy men migratsiialyq retteý salasy boiynsha is júzindegi zańnamany jetildirý.
Zań jobasyn daiarlaýshylar atap ótkendei, ony qabyldaý - memlekettik organdardyń, ekstremizm jáne terrorizmge qarsy áreket etetin uiymdar qyzmetiniń nátijeliligin artyrady. Sonymen qatar, zańdy qabyldaý respýblikalyq biýdjetten qosymsha qarjy bólýdi qajet etpeidi.
Aita keteiik, zań jobasyn talqylaýǵa qoǵam qairatkerleri, saiasattanýshylar, meshit pen shirkeý ókilderi qatysty.
.jpeg)