- Elordanyń Táýelsizdik saraiynda Elbasy Nursultan Nazarbaev pen RF Prezidenti Vladimir Pýtinniń qatysýmen Qazaqstan men Reseidiń XIII óńiraralyq yntymaqtastyq forýmy óz jumysyn bastady.
Aita keterligi, forým aiasynda tańerteńnen beri eki eldiń kólik-logistika áleýetiniń damýy, týrizm salasy, Qazaqstan Respýblikasy men Resei Federatsiiasy arasyndaǵy saýda salasyndaǵy kedergiler men shekteýlerdi joiý jáne eki jaqty yntymaqtastyqtyń ózge de ózekti máseleleri paneldik sessiialar barysynda talqylandy. Munan bólek, Forbes jáne Global-2000 tizimine kiretin qazaqstandyq jáne reseilik jetekshi kompaniialar basshylarynyń qatysýymen qazaqstandyq-reseilik biznes-forým ótti.
Forým qorytyndysynda jalpy somasy 3 mlrd. AQSh dollary bolatyn 56 ekijaqty qujatqa qol qoiylady dep kútilýde.
Esterińizge sala ketsek, Qazaqstan men Reseidiń óńiraralyq yntymaqtastyq forýmy 2003 jyldan beri ótkizilip keledi. Ótken jylǵy forým Sochi qalasynda «Agroónerkásiptik keshen salasyndaǵy yntymaqtastyq jáne azyq-túlik qaýipsizdigin qamtamasyz etý» taqybyrynda uiymdastyrylǵan bolatyn.
Resei Qazaqstannyń eń iri saýda áriptesi sanalady. 2015 jyldyń qorytyndysyna sáikes eki eldiń arasyndaǵy taýar ainalymy 14,57 mlrd. dollardy qurady.
.jpeg)