Nur-Sultan qalasynda Qazaqstannyń Tuńǵysh Prezidenti Nursultan Nazarbaevtyń qatysýymen ótken "Nur Otan" partiiasynyń HIH sezinde bilik partiiasy atynan prezident sailaýyna kim qatysatyny aityldy. Partiia tóraǵasy "Nur Otan" atynan úmitker retinde Qasym-Jomart Toqaevty usyndy, dep habarlaidy "Ult aqparat".
Nazarbaev Toqaevty "tájiribeli saiasatker" dep baǵalady.
«Qasym-Jomart Toqaevtyń diplomatiialyq tájiribesi BUU deńgeiinde joǵary baǵalanǵanyn bilesizder. Osy jahandyq qurylymda ol Bas hatshynyń orynbasary retinde qyzmet etti. Diplomatiialyq jetistikterimen qatar Qasym-Jomart Kemeluly memlekettik basqarý salasynda mol tájiribe jinady. Ol el damýynyń eń kúrdeli kezeńinde Qazaqstan Úkimetin basqardy. Esterińizde bolsa, 1998 jylǵy Aziiadaǵy qarjy daǵdarysynan keiin ekonomikany qalpyna keltirýge atsalysty», - dep atap ótti QR Tuńǵysh Prezidenti.
Nazarbaev Q.Toqaevtyń tikelei qatysýymen 90-shy jyldardyń aiaǵy men 2000 jyldardyń basynda birqatar mańyzdy reforma júrgizilip, el ekonomikasyn órkendetýge jol ashylǵandyǵyn aitty.
«Sol jyldary ol meniń Ulttyq qor qurý týraly ideiamdy tolyq qoldap, onyń qurylýyna atsalysty. Turǵynúiqurylysjinaqbanki, damý institýttary osy kezde paida boldy. Áleýmettik jańǵyrý jolynda alǵashqy qadamdar jasaldy. Jańa zeinetaqy júiesi qalyptasty. Qasym-Jomart Toqaev Senat tóraǵasy retinde Qazaqstandaǵy parlamentarizmniń jańa zań shyǵarý qyzmetine mol úles qosty. Osy jyldar ishinde ol maǵan senimdi serik bolyp, elimizdi odan ary órkendeýge qatysty ustanymymdy qoldap keledi. Men oǵan tolyq senemin jáne ony Qazaqstandy basqarýǵa laiyqty azamat dep esepteimin. Ol menen bir múshel jas kishi, osy kúni el basqaryp otyrǵan tóńirektegi kórshilerimizdiń qurdasy jáne zamandasy bolyp sanalady. Jumys isteýine yńǵaily», - dedi Nursultan Nazarbaev.
Sezd basynda sóilegen Nazarbaev "Qazaqstannyń jarqyn bolashaǵy úshin" bilikten ketý týraly "ońai emes sheshim" qabyldaǵanyn aitty. Munan soń eks-prezident Qazaqstannyń "ótkergen qiyndyqtary men jetken jetistikterin" sóz etti.
"Elbasy men el birge bolǵanda ǵana memleket tabysqa jetedi" dedi Nazarbaev.
- Meniń saiasatymdy qazaqstandyqtardyń basym bóligi qoldaitynyn bilemin. Bul maǵan senim uialatady. Adamdarǵa turaqtylyq kerek. Qazaqstan prezidentimen birlesip eldi kúsheitý jolynda jumys isteimin, - dedi eks-prezident.
Sondai-aq, ol Prezident sailaýy halqymyzdy biik maqsattarǵa jumyldyrýǵa tiis dep sanaitynyn aitty.
«Elimizdegi bilik sabaqtastyǵyn jalǵastyrý - Ata Zańymyzǵa tolyq sáikes keledi. Eki apta buryn Memleket basshysy Qasym-Jomart Kemeluly Toqaev kezekten tys sailaý ótkizý týraly Jarlyqqa qol qoidy. Bul jan-jaqty oilastyrylyp jasalǵan qadam. Qasym-Jomart Kemeluly árbir iske zor jaýapkershilikpen qaraityn memleket qairatkeri. Ol aiqyn saiasat júrgizýdiń qanshalyqty mańyzdy ekenin jaqsy biledi.
(...)Prezidenttik ókilettigimdi toqtatqannan soń, birqatar elderdiń basshylarymen sóilestim. Kópshiliginen áli kúnge deiin hattar kelip túsip jatyr. Solardyń barlyǵy bilikti berýdiń ózindik úlgisin júzege asyryp jatqanymyzǵa qurmetpen qaraitynyn jetkizdi. Eń aldymen, aldaǵy Prezident sailaýy halqymyzdy biik maqsattarǵa jumyldyrýǵa tiis dep sanaimyn. Elimiz úshin turaqtylyq pen tatýlyqtan artyq esh nárse joq. Tynyshtyqta ómir súrip, alańsyz eńbek etkenge, baqytty urpaq tárbielegenge ne jetsin. Mine, eń bastysy osy», - dedi Tuńǵysh Prezident», - dedi Elbasy.
Aita keteiik, partiia seziniń jumysyna QR Prezidenti Qasym-Jomart Toqaev, Parlament palatalarynyń tóraǵalary Dariǵa Nazarbaeva men Nurlan Nyǵmatýlin, Premer-Ministr Asqar Mamin, Úkimet músheleri, depýtattar, oblystardyń, respýblikalyq mańyzy bar qalalardyń ákimderi, diplomatiialyq korpýs ókilderi, óńirlerden kelgen 627 delegat, jalpy 1500-den astam adam qatysyp otyr.
Qazaqstan Prezidenti Qasym-Jomart Toqaev 9 sáýirde respýblikalyq arnalar efirinen jasaǵan málimdemesinde Qazaqstandaǵy kezekten tys prezident sailaýy 2019 jyldyń 9 maýsymynda ótetin jariialaǵan.
Qazaqstanda kezekten tys ótetin prezident sailaýyna kandidattardy usyný 10 sáýirde bastalǵan. Úmitkerlerdi usyný 28 sáýirde, tirkeý 11 mamyrda aiaqtalady.
22 sáýirde Ortalyq sailaý komissiiasy Sádibek Túgel "Uly dala qyrandary" respýblikalyq qoǵamdyq birlestigi atynan prezident sailaýyna kandidat retinde qujattaryn ótkizgenin habarlady.
Tap sol kúni Jalpyulttyq sotsial-demokratiialyq partiiasynyń saiasi keńesi partiia sezinde "Dat" gazetter jobasynyń jetekshisi, jýrnalist Ermurat Bapidi saiasi uiymnyń atynan sailaýǵa kandidat retinde usynatynyn habarlaǵan. Oǵan deiin Jaqsybai Bázilbaev ta sailaýǵa túskisi keletinin aitqan. Olar Ortalyq sailaý komissiiasyna qujattaryn áli tapsyrǵan joq.
