Jýyrda shańyraq kótergen tanymal akterler Dariǵa Badyqova men Oljas Abai bal aiyn ótkizý úshin Qatarǵa attandy. Jas jubailardyń saparyn belgili saiahat sarapshysy Gúldana Imanbai uiymdastyrǵan, dep habarlaidy ult.kz.
Bul týraly Gúldana Imanbai óziniń Instagram paraqshasynda málimdedi. Ol áýejaida Dariǵa Badyqova jáne Oljas Abaimen birge túsken sýretin jariialap, bul jolǵy sapardyń erekshe jaýapkershilik júktegenin aitty.
"Bul joly da bizge úlken jaýapkershilik júkteldi. Osy ýaqytqa deiin jai ǵana saiahat uiymdastyrsaq, bul joly bal aiy. Barlyqtaryńyzǵa sheksiz mahabbat tileimin", – dep jazdy saiahat sarapshysy.
Osylaisha, Gúldana Imanbaidyń jazbasy óner ieleriniń Qatarǵa bal aiyn ótkizý úshin barǵanyn rastady.
Buǵan deiin Dariǵa Badyqova men Oljas Abaidyń Instagram storisterinen alynǵan beineúzindiler olardyń Dohada júrgenin kórsetken edi. Jup sapar barysynda túsirilgen kadrlarymen áleýmettik jelide bólisken.
Dariǵa Badyqova men Oljas Abaidyń toiy qashan ótti?
Dariǵa Badyqova men Oljas Abai 2026 jylǵy 12 qazanda Almaty qalasynda úilený toiyn ótkizdi. Saltanatty keshke jas jubailardyń jaqyndary, dostary jáne ónerdegi áriptesteri jinaldy. Qonaqtar arasynda Erke Esmahan men RaiM, Aiqyn Tólepbergen men Juldyz Ómirǵali, Janbolat pen Jazira, Láilá Sultanqyzy jáne basqa da tanymal tulǵalar boldy.
Buǵan deiin áleýmettik jelide juptyń qudalyq jáne syrǵa salý rásimderinen túsirilgen beinejazbalar taraǵan bolatyn. Keiin Dariǵa Badyqova kópshilikke arnaiy jazba arnap, jeke ómirine qatysty tańdaýyn qurmetteýdi jáne ózderine baqyt tileýdi suraǵan.
Óner ieleriniń qarym-qatynasy buǵan deiin áleýmettik jelide qyzý talqylanǵan edi. Soǵan qaramastan, jup otbasyn quryp, endi bal aiyn Qatarda ótkizip jatyr.
Aita keteiik, Dariǵa Badyqova men Oljas Abaidyń shańyraq kóterýi qazaqstandyq shoý-biznestegi kóp talqylanǵan oqiǵalardyń birine ainaldy.
Dariǵa Badyqova kim?
Dariǵa Badyqova – qazaqstandyq tanymal aktrisa, prodiýser ári stsenarist. Ol 1982 jyly 20 qarashada Almaty oblysynda dúniege kelgen. Óner jolyn teatr sahnasynan bastaǵan aktrisa keiin kino salasyna bet burdy. Kópshilikke otandyq filmder men telehikaialardaǵy rólderi arqyly tanyldy. Ásirese, komediialyq obrazdardy sheber somdaýymen kórermen yqylasyna bólendi. Dariǵa Badyqova "Kelinjan" telehikaiasyndaǵy Aisara róli arqyly keńinen tanymal boldy. Keiin "Taptym-aý seni" romantikalyq komediiasyna prodiýser retinde atsalysyp, basty rólderdiń birin somdady. Atalǵan filmde akter Oljas Abaimen birge oinady. Óner iesi akterlik qyzmetimen qatar kino óndirisimen de ainalysyp keledi. Búginde Dariǵa Badyqova – qazaqstandyq kino jáne shoý-biznes salasynda ózindik orny bar óner ieleriniń biri.
Oljas Abai kim?
Oljas Abai (Janabekov) – qazaqstandyq akter, ánshi ári prodiýser. 2011 jyly T. Júrgenov atyndaǵy Qazaq ulttyq óner akademiiasyn drama teatry jáne kino akteri mamandyǵy boiynsha támamdaǵan. Oqýyn aiaqtaǵan soń 2013 jylǵa deiin Ǵabit Músirepov atyndaǵy balalar men jasóspirimder teatrynda eńbek etken. Shyǵarmashylyq jolynyń alǵashqy kezeńinde án aityp, túrli is-sharalarda júrgizýshi bolyp jumys istegen.
Ol kópshilikke 2017 jyly jaryq kórgen "Brat ili brak" komediiasyndaǵy róli arqyly keńinen tanyla bastady. Keiin "Klasstastar", "Zero", "Aýylbaiskii ýchastkovyi", "Hotia by kinoda 2" jáne basqa da filmderge tústi. 2023 jyly Dariǵa Badyqovamen birge "Taptym-aý seni" romantikalyq komediiasynda basty rólderdiń birin somdady. Atalǵan filmniń kórermen arasynda tanymal bolýyna bailanysty keiin onyń jalǵasy túsirildi. Oljas Abai akterlik qyzmetimen qatar kino óndirisine aralasyp, prodiýser retinde de jumys isteidi.
