جۋىردا شاڭىراق كٶتەرگەن تانىمال اكتەرلەر داريعا بادىقوۆا مەن ولجاس اباي بال ايىن ٶتكٸزۋ ٷشٸن قاتارعا اتتاندى. جاس جۇبايلاردىڭ ساپارىن بەلگٸلٸ ساياحات ساراپشىسى گٷلدانا يمانباي ۇيىمداستىرعان, دەپ حابارلايدى ult.kz.
بۇل تۋرالى گٷلدانا يمانباي ٶزٸنٸڭ Instagram پاراقشاسىندا مەلٸمدەدٸ. ول ەۋەجايدا داريعا بادىقوۆا جەنە ولجاس ابايمەن بٸرگە تٷسكەن سۋرەتٸن جارييالاپ, بۇل جولعى ساپاردىڭ ەرەكشە جاۋاپكەرشٸلٸك جٷكتەگەنٸن ايتتى.
"بۇل جولى دا بٸزگە ٷلكەن جاۋاپكەرشٸلٸك جٷكتەلدٸ. وسى ۋاقىتقا دەيٸن جاي عانا ساياحات ۇيىمداستىرساق, بۇل جولى بال ايى. بارلىقتارىڭىزعا شەكسٸز ماحاببات تٸلەيمٸن", – دەپ جازدى ساياحات ساراپشىسى.
وسىلايشا, گٷلدانا يمانبايدىڭ جازباسى ٶنەر يەلەرٸنٸڭ قاتارعا بال ايىن ٶتكٸزۋ ٷشٸن بارعانىن راستادى.
بۇعان دەيٸن داريعا بادىقوۆا مەن ولجاس ابايدىڭ Instagram ستوريستەرٸنەن الىنعان بەينەٷزٸندٸلەر ولاردىڭ دوحادا جٷرگەنٸن كٶرسەتكەن ەدٸ. جۇپ ساپار بارىسىندا تٷسٸرٸلگەن كادرلارىمەن ەلەۋمەتتٸك جەلٸدە بٶلٸسكەن.
داريعا بادىقوۆا مەن ولجاس ابايدىڭ تويى قاشان ٶتتٸ?
داريعا بادىقوۆا مەن ولجاس اباي 2026 جىلعى 12 قازاندا الماتى قالاسىندا ٷيلەنۋ تويىن ٶتكٸزدٸ. سالتاناتتى كەشكە جاس جۇبايلاردىڭ جاقىندارى, دوستارى جەنە ٶنەردەگٸ ەرٸپتەستەرٸ جينالدى. قوناقتار اراسىندا ەركە ەسماحان مەن RaiM, ايقىن تٶلەپبەرگەن مەن جۇلدىز ٶمٸرعالي, جانبولات پەن جازيرا, لەيلە سۇلتانقىزى جەنە باسقا دا تانىمال تۇلعالار بولدى.
بۇعان دەيٸن ەلەۋمەتتٸك جەلٸدە جۇپتىڭ قۇدالىق جەنە سىرعا سالۋ رەسٸمدەرٸنەن تٷسٸرٸلگەن بەينەجازبالار تاراعان بولاتىن. كەيٸن داريعا بادىقوۆا كٶپشٸلٸككە ارنايى جازبا ارناپ, جەكە ٶمٸرٸنە قاتىستى تاڭداۋىن قۇرمەتتەۋدٸ جەنە ٶزدەرٸنە باقىت تٸلەۋدٸ سۇراعان.
ٶنەر يەلەرٸنٸڭ قارىم-قاتىناسى بۇعان دەيٸن ەلەۋمەتتٸك جەلٸدە قىزۋ تالقىلانعان ەدٸ. سوعان قاراماستان, جۇپ وتباسىن قۇرىپ, ەندٸ بال ايىن قاتاردا ٶتكٸزٸپ جاتىر.
ايتا كەتەيٸك, داريعا بادىقوۆا مەن ولجاس ابايدىڭ شاڭىراق كٶتەرۋٸ قازاقستاندىق شوۋ-بيزنەستەگٸ كٶپ تالقىلانعان وقيعالاردىڭ بٸرٸنە اينالدى.
داريعا بادىقوۆا كٸم?
داريعا بادىقوۆا – قازاقستاندىق تانىمال اكتريسا, پروديۋسەر ەرٸ ستسەناريست. ول 1982 جىلى 20 قاراشادا الماتى وبلىسىندا دٷنيەگە كەلگەن. ٶنەر جولىن تەاتر ساحناسىنان باستاعان اكتريسا كەيٸن كينو سالاسىنا بەت بۇردى. كٶپشٸلٸككە وتاندىق فيلمدەر مەن تەلەحيكايالارداعى رٶلدەرٸ ارقىلى تانىلدى. ەسٸرەسە, كومەدييالىق وبرازداردى شەبەر سومداۋىمەن كٶرەرمەن ىقىلاسىنا بٶلەندٸ. داريعا بادىقوۆا "كەلٸنجان" تەلەحيكاياسىنداعى ايسارا رٶلٸ ارقىلى كەڭٸنەن تانىمال بولدى. كەيٸن "تاپتىم-اۋ سەنٸ" رومانتيكالىق كومەديياسىنا پروديۋسەر رەتٸندە اتسالىسىپ, باستى رٶلدەردٸڭ بٸرٸن سومدادى. اتالعان فيلمدە اكتەر ولجاس ابايمەن بٸرگە وينادى. ٶنەر يەسٸ اكتەرلٸك قىزمەتٸمەن قاتار كينو ٶندٸرٸسٸمەن دە اينالىسىپ كەلەدٸ. بٷگٸندە داريعا بادىقوۆا – قازاقستاندىق كينو جەنە شوۋ-بيزنەس سالاسىندا ٶزٸندٸك ورنى بار ٶنەر يەلەرٸنٸڭ بٸرٸ.
ولجاس اباي كٸم?
ولجاس اباي (جانابەكوۆ) – قازاقستاندىق اكتەر, ەنشٸ ەرٸ پروديۋسەر. 2011 جىلى ت. جٷرگەنوۆ اتىنداعى قازاق ۇلتتىق ٶنەر اكادەميياسىن دراما تەاترى جەنە كينو اكتەرٸ ماماندىعى بويىنشا تەمامداعان. وقۋىن اياقتاعان سوڭ 2013 جىلعا دەيٸن عابيت مٷسٸرەپوۆ اتىنداعى بالالار مەن جاسٶسپٸرٸمدەر تەاترىندا ەڭبەك ەتكەن. شىعارماشىلىق جولىنىڭ العاشقى كەزەڭٸندە ەن ايتىپ, تٷرلٸ ٸس-شارالاردا جٷرگٸزۋشٸ بولىپ جۇمىس ٸستەگەن.
ول كٶپشٸلٸككە 2017 جىلى جارىق كٶرگەن "برات يلي براك" كومەديياسىنداعى رٶلٸ ارقىلى كەڭٸنەن تانىلا باستادى. كەيٸن "كلاسستاستار", "Zero", "اۋىلبايسكيي ۋچاستكوۆىي", "حوتيا بى كينودا 2" جەنە باسقا دا فيلمدەرگە تٷستٸ. 2023 جىلى داريعا بادىقوۆامەن بٸرگە "تاپتىم-اۋ سەنٸ" رومانتيكالىق كومەديياسىندا باستى رٶلدەردٸڭ بٸرٸن سومدادى. اتالعان فيلمنٸڭ كٶرەرمەن اراسىندا تانىمال بولۋىنا بايلانىستى كەيٸن ونىڭ جالعاسى تٷسٸرٸلدٸ. ولجاس اباي اكتەرلٸك قىزمەتٸمەن قاتار كينو ٶندٸرٸسٸنە ارالاسىپ, پروديۋسەر رەتٸندە دە جۇمىس ٸستەيدٸ.
