Qazaqstanda 2026 jylǵy 20 qazanda AQSh dollarynyń resmi baǵamy 452,59 teńge bolyp belgilend, dep habarlaidy ult.kz.
Ulttyq bank málimetinshe, búgin bir eýronyń resmi quny 507,67 teńge, al Resei rýbli 5,48 teńge boldy. Qytai iýani 67,75 teńge deńgeiinde belgilendi.
Negizgi valiýtalar qansha turady?
Kórshi elderdiń valiýtalaryna kelsek, bir Qyrǵyz somy 5,18 teńgege teń. Túrik lirasynyń baǵamy 9,15 teńge boldy. Sondai-aq Ulybritaniia fýnt sterlingi 603,30 teńge, Shveitsariia franki 548,46 teńge bolyp bekitildi.
Resmi baǵam qalai esepteledi?
Dollardyń resmi baǵamy Astana ýaqytymen saǵat 15:30-da qor birjasynda qalyptasqan ortasha baǵam negizinde anyqtalyp, kelesi jumys kúni qoldanylady.
Ózge valiýtalardyń teńgege shaqqandaǵy quny saǵat 16:00-degi kross-baǵamdar arqyly esepteledi. Bul rette valiýtalardyń halyqaralyq naryqtaǵy ózara araqatynasy eskeriledi.
Qyrkúiekte teńge nelikten nyǵaidy?
Ulttyq banktiń habarlamasyna súiensek, qyrkúiekte valiýta naryǵynda shetel valiýtasynyń usynysy suranystan asyp túsken.
Osyǵan bailanysty retteýshi Ulttyq qormen jasalatyn mámilelerdi aina-qatesiz qaitalaý tetigi aiasynda buryn josparlanǵan operatsiialardy keiinge qaldyrǵan.
Sonymen qatar naryqqa Ulttyq qordan valiýta túsip, birjadaǵy saýda-sattyqtyń jalpy kólemi artqan.
Ulttyq bank qyrkúiek boiy valiýtalyq interventsiia júrgizbegenin de atap ótti.
Qazaqstanda dollar baǵamy qalai ózgeredi?
Ulttyq bank dollar baǵamyna qatysty naqty boljam bermeidi.
Qysqa merzimde AQSh valiýtasynyń quny suranys pen usynystyń araqatynasyna, naryqqa qatysýshylardyń áreketine, salyq tólemderine, álemdik naryqtaǵy ahýalǵa jáne geosaiasi faktorlarǵa bailanysty bolady.
Sondyqtan qyrkúiekte teńge aitarlyqtai nyǵaiǵanymen, aldaǵy ýaqytta baǵam ósýi de, tómendeýi de múmkin.
Retteýshi erkin ózgermeli aiyrbas baǵamy saiasatyn jalǵastyryp, valiýta naryǵyndaǵy operatsiialary týraly aqparatty jariialap otyratynyn málimdedi.
2026 jylǵy 1 qazandaǵy málimet boiynsha, qyrkúiektiń negizgi qorytyndysy mynadai: teńge 4,6 paiyzǵa nyǵaiyp, ai sońynda bir AQSh dollarynyń baǵamy 440,49 teńgeni qurady.
