QR Úkimet basshysynyń birinshi orynbasary Asqar Mamin Elbasy Nursultan Nazarbaevtyń Qazaqstan mashina jasaýshylary V forýmynyń qatysýshylaryna arnalǵan quttyqtaý hatyn oqyp berdi, dep habarlaidy Ult.kz tilshisi QazAqparat agenttigine silteme jasap.
«Qýatty ári ónimdiligi joǵary mashina jasaý salasyn qurý - eldiń ekonomikalyq damýynyń eń basym baǵyttarynyń biri. Memleket salaǵa jan-jaqty qoldaý kórsetýde, sondai-aq bul salaǵa strategiialyq investorlardy tartý men aýqymdy innovatsiialardy engizý turǵysynda barlyq qajetti jaǵdaidy jasaýda. Búginde Qazaqstanda otandyq kompaniialarmen birge álemdik naryqtyń kóshbasshylary da ózderiniń qyzmetin tabysty túrde damytýda», - dep atap ótilgen Memleket basshysynyń quttyqtaýynda.
Prezident óńdeý ónerkásibiniń jalpy kóleminde mashina jasaý úlesi 10 paiyzǵa jýyq deńgeide ekenin atap ótti. Indýstriialandyrý kartasy aiasynda júzden astam joba iske qosylyp, elimizde buryndary óndirilmegen biregei joǵary tehnologiialyq jańa ónimder paida boldy.
«Mashina jasaý salasyn keshendi jańǵyrtý men onyń halyqaralyq deńgeide júieli túrde alǵa jyljýy Qazaqstannyń jahandyq básekege qabilettigin arttyrýǵa ári elimizdiń álemniń ozyq 30 memleketiniń qataryna qosylýǵa yqpal etetinine senimdimin»,-delingen Elbasy quttyqtaýynda.
Aita keteiik, Astanadaǵy forýmǵa álemniń 16 elinen 800-ge tarta delegat qatysýda. Dástúrli túrde uiymdastyrylyp kele jatqan bul shara osymen besinshi ret ótkizilip jatyr.
.jpeg)