قر ٷكٸمەت باسشىسىنىڭ بٸرٸنشٸ ورىنباسارى اسقار مامين ەلباسى نۇرسۇلتان نازارباەۆتىڭ قازاقستان ماشينا جاساۋشىلارى V فورۋمىنىڭ قاتىسۋشىلارىنا ارنالعان قۇتتىقتاۋ حاتىن وقىپ بەردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«قۋاتتى ەرٸ ٶنٸمدٸلٸگٸ جوعارى ماشينا جاساۋ سالاسىن قۇرۋ - ەلدٸڭ ەكونوميكالىق دامۋىنىڭ ەڭ باسىم باعىتتارىنىڭ بٸرٸ. مەملەكەت سالاعا جان-جاقتى قولداۋ كٶرسەتۋدە, سونداي-اق بۇل سالاعا ستراتەگييالىق ينۆەستورلاردى تارتۋ مەن اۋقىمدى يننوۆاتسييالاردى ەنگٸزۋ تۇرعىسىندا بارلىق قاجەتتٸ جاعدايدى جاساۋدا. بٷگٸندە قازاقستاندا وتاندىق كومپانييالارمەن بٸرگە ەلەمدٸك نارىقتىڭ كٶشباسشىلارى دا ٶزدەرٸنٸڭ قىزمەتٸن تابىستى تٷردە دامىتۋدا», - دەپ اتاپ ٶتٸلگەن مەملەكەت باسشىسىنىڭ قۇتتىقتاۋىندا.
پرەزيدەنت ٶڭدەۋ ٶنەركەسٸبٸنٸڭ جالپى كٶلەمٸندە ماشينا جاساۋ ٷلەسٸ 10 پايىزعا جۋىق دەڭگەيدە ەكەنٸن اتاپ ٶتتٸ. يندۋسترييالاندىرۋ كارتاسى اياسىندا جٷزدەن استام جوبا ٸسكە قوسىلىپ, ەلٸمٸزدە بۇرىندارى ٶندٸرٸلمەگەن بٸرەگەي جوعارى تەحنولوگييالىق جاڭا ٶنٸمدەر پايدا بولدى.
«ماشينا جاساۋ سالاسىن كەشەندٸ جاڭعىرتۋ مەن ونىڭ حالىقارالىق دەڭگەيدە جٷيەلٸ تٷردە العا جىلجۋى قازاقستاننىڭ جاھاندىق بەسەكەگە قابٸلەتتٸگٸن ارتتىرۋعا ەرٸ ەلٸمٸزدٸڭ ەلەمنٸڭ وزىق 30 مەملەكەتٸنٸڭ قاتارىنا قوسىلۋعا ىقپال ەتەتٸنٸنە سەنٸمدٸمٸن»,-دەلٸنگەن ەلباسى قۇتتىقتاۋىندا.
ايتا كەتەيٸك, استاناداعى فورۋمعا ەلەمنٸڭ 16 ەلٸنەن 800-گە تارتا دەلەگات قاتىسۋدا. دەستٷرلٸ تٷردە ۇيىمداستىرىلىپ كەلە جاتقان بۇل شارا وسىمەن بەسٸنشٸ رەت ٶتكٸزٸلٸپ جاتىر.
.jpeg)