Qazaqstannyń tuńǵysh prezidenti – Elbasy Nursultan Nazarbaev Qazaqstan halqy Assambleiasynyń sessiiasynda qolyndaǵy gúl shoqtaryn zaldaǵy názik jandarǵa taratyp berdi, dep habarlaidy Sputnik Qazaqstan tilshisi.
Qazaqstan halqy Assambleiasy sessiiasynyń sońynda ótken merekelik kontsertte Nazarbaevtyń grek-rim kúresinen alǵashqy jattyqtyrýshysy Lev Ejevskii Elbasyǵa Kýbok pen kitap syiǵa tartty.
Lev Ejevskii tuńǵysh prezidentke kúrestiń qyr-syryn Dneprodzerjinskte úiretken eken.
"Birde jattyǵý ótkizip jatsam, qasyma bir jigit kelip, kúreske jazylǵym keledi dedi. Esimin suradym. "Nursultan" dep jaýap berdi. Buǵan deiin kúrespen shuǵyldandyń ba dep suradym. "Iá, ákem meni qazaq kúresine úiretken" dedi. Olai bolsa, jaraidy, kel dedim. Osylaisha ol kúreske jazyldy. Óte tabandy, batyl bolatyn, kóp uzamai jarystarda baq synap, júldeli oryndarǵa ie boldy. Menen kóbi "eger de ol ketip qalmaǵanda, kim bolar edi dep suraidy. Álem chempiony bolar edi jaýap qatamyn", - dedi Elbasynyń alǵashqy bapkeri.
Osydan keiin ol zalda otyrǵan shákirti Nursultan Nazarbaevqa Kýbok pen kitap syiǵa tartty. Al qyzdardyń biri Elbasyǵa gúl shoǵyn syilady.
Nazarbaev sahnadaǵa ártister án aityp jatqanda, qolyndaǵy raýshan gúlderin kontsert tamashalap otyrǵan qyz-kelinshekterge ózi júrip taratyp berdi.
