قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ قازاقستان حالقى اسسامبلەياسىنىڭ سەسسيياسىندا قولىنداعى گٷل شوقتارىن زالداعى نەزٸك جاندارعا تاراتىپ بەردٸ, دەپ حابارلايدى Sputnik قازاقستان تٸلشٸسٸ.
قازاقستان حالقى اسسامبلەياسى سەسسيياسىنىڭ سوڭىندا ٶتكەن مەرەكەلٸك كونتسەرتتە نازارباەۆتىڭ گرەك-ريم كٷرەسٸنەن العاشقى جاتتىقتىرۋشىسى لەۆ ەجەۆسكيي ەلباسىعا كۋبوك پەن كٸتاپ سىيعا تارتتى.
لەۆ ەجەۆسكيي تۇڭعىش پرەزيدەنتكە كٷرەستٸڭ قىر-سىرىن دنەپرودزەرجينسكتە ٷيرەتكەن ەكەن.
"بٸردە جاتتىعۋ ٶتكٸزٸپ جاتسام, قاسىما بٸر جٸگٸت كەلٸپ, كٷرەسكە جازىلعىم كەلەدٸ دەدٸ. ەسٸمٸن سۇرادىم. "نۇرسۇلتان" دەپ جاۋاپ بەردٸ. بۇعان دەيٸن كٷرەسپەن شۇعىلداندىڭ با دەپ سۇرادىم. "يە, ەكەم مەنٸ قازاق كٷرەسٸنە ٷيرەتكەن" دەدٸ. ولاي بولسا, جارايدى, كەل دەدٸم. وسىلايشا ول كٷرەسكە جازىلدى. ٶتە تاباندى, باتىل بولاتىن, كٶپ ۇزاماي جارىستاردا باق سىناپ, جٷلدەلٸ ورىندارعا يە بولدى. مەنەن كٶبٸ "ەگەر دە ول كەتٸپ قالماعاندا, كٸم بولار ەدٸ دەپ سۇرايدى. ەلەم چەمپيونى بولار ەدٸ جاۋاپ قاتامىن", - دەدٸ ەلباسىنىڭ العاشقى باپكەرٸ.
وسىدان كەيٸن ول زالدا وتىرعان شەكٸرتٸ نۇرسۇلتان نازارباەۆقا كۋبوك پەن كٸتاپ سىيعا تارتتى. ال قىزداردىڭ بٸرٸ ەلباسىعا گٷل شوعىن سىيلادى.
نازارباەۆ ساحناداعا ەرتٸستەر ەن ايتىپ جاتقاندا, قولىنداعى راۋشان گٷلدەرٸن كونتسەرت تاماشالاپ وتىرعان قىز-كەلٸنشەكتەرگە ٶزٸ جٷرٸپ تاراتىپ بەردٸ.
