Qazaqstan Respýblikasynyń Tuńǵysh Prezidenti – Elbasy Nursultan Nazarbaev qazaqstandyqtardy Alǵys aitý kúnimen quttyqtady, dep habarlaidy "Ult aqparat" Elbasynyń resmi saityna silteme jasap.
"Qymbatty otandastar!
Alǵys aitý kúni Qazaqstan halqynyń birligin pash etedi, meiirimdiliktiń, ózara kómek pen jaqsylyqtyń jarshysy bolyp sanalady.
Kóktemniń alǵashqy kúninde – tirshilik ataýly jandanyp, jer-dúnie jańaratyn kezeńde atap ótilýi bul merekege erekshe sán beredi.
Búgin biz qazaq halqynyń rýhani erligi men elimizdegi barlyq etnostardyń basyna túsken aýyr synaqtardy eske alyp qana qoimai, keleshekke zor senimmen qaraimyz. Qazaqstan qoǵamynyń kelisimi men tatýlyǵy – sol jarqyn bolashaqtyń berik irgetasy.
Koronavirýs pandemiiasyna toitarys berý kezinde de bizdiń birligimizdiń mańyzy aiqyn kórindi. Qazaqstandyqtar memleketimizdiń turaqty damýyna qaýip tóndirgen jahandyq synaqqa el bolyp jumyla qarsy turdy.
Táýelsizdiktiń 30 jyldyǵynda órleý men órkendeýge bastaityn jol adamgershiliktiń ainymas qaǵidalaryna, toleranttylyq printsipterine, tól tarihymyzǵa qurmet pen ortaq Otanymyz – Qazaqstan Respýblikasyna degen súiispenshilikke negizdeletinin taǵy bir márte aiǵaqtap otyrmyz.
Barlyq qazaqstandyqtardy Alǵys aitý kúnimen shyn júrekten quttyqtaimyn!
Barshańyzǵa mol igilik, myqty densaýlyq, tynyshtyq pen baq-bereke tileimin!" - delingen Elbasy quttyqtaýynda.
.jpeg)