Qazaqstan Prezidenti Eýropa qaita qurý jáne damý bankiniń prezidenti Sýma Chakrabartimen kezdesti, - dep habarlaidy "Ult aqparat" Aqordaǵa silteme jasap.
Kezdesý Sheteldik investorlar keńesiniń plenarlyq otyrysy bastalar aldynda ótti. Kelissóz barysynda taraptar investitsiialyq yntymaqtastyqtyń odan arǵy perspektivasyn jáne birlesken jobalardy iske asyrý máselesin talqylady.
Memleket basshysy búginde Bank tarapynan Qazaqstandaǵy infraqurylymdyq jobalarǵa, shaǵyn jáne orta biznes salasyna aýqymdy investitsiia salynǵanyn, sondai-aq ekonomikalyq ózara qarym-qatynasty odan ári damytý qajettigin atap ótti.
S.Chakrabarti Nursultan Nazarbaevqa jumys kestesiniń tyǵyzdyǵyna qaramastan, kezdesýge múmkindik jasaǵany úshin alǵys aitty.
– Sizder Astana ekonomikalyq forýmyn ótkizdińizder. Búgin Sheteldik investorlar keńesi ótýde. Taiaýda EKSPO kórmesiniń ashylý rásimi ótti. Bul is-shara Qazaqstannyń halyqaralyq arenadaǵy abyroiyn aitarlyqtai arttyrady jáne elderińizdiń áleýetin tolyq tanytady, – dedi Eýropa qaita qurý jáne damý bankiniń prezidenti.
Sonymen qatar, taraptar keńeitilgen áriptestik týraly kelisim aiasyndaǵy yntymaqtastyqtyń barysy jóninde pikir almasty. Kelisim nátijesinde 2016 jyldyń qorytyndysy boiynsha investitsiia kólemi 1,1 milliard AQSh dollaryna jetti.
Kezdesý sońynda Energetika ministri Q.Bozymbaev Qazaqstan Prezidentin «Bolashaqtyń energiiasy» maketi týraly beinematerialmen tanystyrdy.
.jpeg)