قازاقستان پرەزيدەنتٸ ەۋروپا قايتا قۇرۋ جەنە دامۋ بانكٸنٸڭ پرەزيدەنتٸ سۋما چاكرابارتيمەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ شەتەلدٸك ينۆەستورلار كەڭەسٸنٸڭ پلەنارلىق وتىرىسى باستالار الدىندا ٶتتٸ. كەلٸسسٶز بارىسىندا تاراپتار ينۆەستيتسييالىق ىنتىماقتاستىقتىڭ ودان ارعى پەرسپەكتيۆاسىن جەنە بٸرلەسكەن جوبالاردى ٸسكە اسىرۋ مەسەلەسٸن تالقىلادى.
مەملەكەت باسشىسى بٷگٸندە بانك تاراپىنان قازاقستانداعى ينفراقۇرىلىمدىق جوبالارعا, شاعىن جەنە ورتا بيزنەس سالاسىنا اۋقىمدى ينۆەستيتسييا سالىنعانىن, سونداي-اق ەكونوميكالىق ٶزارا قارىم-قاتىناستى ودان ەرٸ دامىتۋ قاجەتتٸگٸن اتاپ ٶتتٸ.
س.چاكرابارتي نۇرسۇلتان نازارباەۆقا جۇمىس كەستەسٸنٸڭ تىعىزدىعىنا قاراماستان, كەزدەسۋگە مٷمكٸندٸك جاساعانى ٷشٸن العىس ايتتى.
– سٸزدەر استانا ەكونوميكالىق فورۋمىن ٶتكٸزدٸڭٸزدەر. بٷگٸن شەتەلدٸك ينۆەستورلار كەڭەسٸ ٶتۋدە. تاياۋدا ەكسپو كٶرمەسٸنٸڭ اشىلۋ رەسٸمٸ ٶتتٸ. بۇل ٸس-شارا قازاقستاننىڭ حالىقارالىق ارەناداعى ابىرويىن ايتارلىقتاي ارتتىرادى جەنە ەلدەرٸڭٸزدٸڭ ەلەۋەتٸن تولىق تانىتادى, – دەدٸ ەۋروپا قايتا قۇرۋ جەنە دامۋ بانكٸنٸڭ پرەزيدەنتٸ.
سونىمەن قاتار, تاراپتار كەڭەيتٸلگەن ەرٸپتەستٸك تۋرالى كەلٸسٸم اياسىنداعى ىنتىماقتاستىقتىڭ بارىسى جٶنٸندە پٸكٸر الماستى. كەلٸسٸم نەتيجەسٸندە 2016 جىلدىڭ قورىتىندىسى بويىنشا ينۆەستيتسييا كٶلەمٸ 1,1 ميلليارد اقش دوللارىنا جەتتٸ.
كەزدەسۋ سوڭىندا ەنەرگەتيكا مينيسترٸ ق.بوزىمباەۆ قازاقستان پرەزيدەنتٸن «بولاشاقتىڭ ەنەرگيياسى» ماكەتٸ تۋرالى بەينەماتەريالمەن تانىستىردى.
.jpeg)