Nursultan Nazarbaev Donald Trampqa Amerika Qurama Shtattarynyń 45-shi Prezidenti bolyp sailanýyna bailanysty quttyqtaý jedelhatyn joldady, dep habarlaidy Aqordanyń baspasóz qyzmeti.
Memleket basshysy Qazaqstan halqynyń jáne jeke óziniń atynan D.Trampty quttyqtap, biyl elderimiz arasynda diplomatiialyq qarym-qatynas ornaǵanyna 25 jyl tolatynyn atap ótti.
«Sizdiń basshylyǵyńyzben Amerika Qurama Shtattary dúnie júzinde turaqtylyqty, qaýipsizdikti saqtaý jáne ósip-órkendeý jolynda tirek bolyp qala beretinine senimdimin», – delingen jedelhatta.
Elbasy Qazaqstannyń 2017-2018 jyldarda BUU Qaýipsizdik keńesine turaqty emes múshe bolýy áriptestigimizdiń mańyzdy kezeńine ainalatynyna senim bildirdi.
«Biz Keńes jumysyna eleýli úles qosyp, AQSh-pen barlyq ózekti máseleler boiynsha ózara tiimdi is-qimyl jasaýǵa ázirmiz», – delingen jedelhatta.
Sońynda Nursultan Nazarbaev Donald Trampqa tabys tilep, ony Qazaqstanǵa saparmen kelýge shaqyrdy.
