نۇرسۇلتان نازارباەۆ دونالد ترامپقا امەريكا قۇراما شتاتتارىنىڭ 45-شٸ پرەزيدەنتٸ بولىپ سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى قازاقستان حالقىنىڭ جەنە جەكە ٶزٸنٸڭ اتىنان د.ترامپتى قۇتتىقتاپ, بيىل ەلدەرٸمٸز اراسىندا ديپلوماتييالىق قارىم-قاتىناس ورناعانىنا 25 جىل تولاتىنىن اتاپ ٶتتٸ.
«سٸزدٸڭ باسشىلىعىڭىزبەن امەريكا قۇراما شتاتتارى دٷنيە جٷزٸندە تۇراقتىلىقتى, قاۋٸپسٸزدٸكتٸ ساقتاۋ جەنە ٶسٸپ-ٶركەندەۋ جولىندا تٸرەك بولىپ قالا بەرەتٸنٸنە سەنٸمدٸمٸن», – دەلٸنگەن جەدەلحاتتا.
ەلباسى قازاقستاننىڭ 2017-2018 جىلداردا بۇۇ قاۋٸپسٸزدٸك كەڭەسٸنە تۇراقتى ەمەس مٷشە بولۋى ەرٸپتەستٸگٸمٸزدٸڭ ماڭىزدى كەزەڭٸنە اينالاتىنىنا سەنٸم بٸلدٸردٸ.
«بٸز كەڭەس جۇمىسىنا ەلەۋلٸ ٷلەس قوسىپ, اقش-پەن بارلىق ٶزەكتٸ مەسەلەلەر بويىنشا ٶزارا تيٸمدٸ ٸس-قيمىل جاساۋعا ەزٸرمٸز», – دەلٸنگەن جەدەلحاتتا.
سوڭىندا نۇرسۇلتان نازارباەۆ دونالد ترامپقا تابىس تٸلەپ, ونى قازاقستانعا ساپارمەن كەلۋگە شاقىردى.
