- Uranymyz - "Alǵa, Qazaqstan!" bolsyn. Búgin elordada ótip jatqan Qazaqstan Táýelsizdiginiń 25 jyldyq mereitoiyna arnalǵan saltanatty jiynda Elbasy Nursultan Nazarbaev osylai aitty, dep habarlaidy Ult.kz tilshisi QazAqparat agenttigine silteme jasap.
"Árine, búgin qýanysh, búgin mereke. Barlyǵymyzdyń toiymyz. Toi ústinde toiǵa bailanysty tilekter aitylady. Sondyqtan meniń atyma da kóp sózder aityldy. Árine, adam retinde onyń bárin tyńdaý janyńa jaǵady. Degenmen myndai qyrýar jumysty qandai bolsa da bir adam eńsere almaidy. Sondyqtan basymdy iip, halqyma rizashylyǵymdy bildiremin", - dedi Elbasy.
Memleket basshysy qiyn-qystaý jaǵdailarda senim artyp, sońyna ilesken halqyna alǵysyn aitty.
"Bul halqymyzdyń, qazaqtyń taǵy bir uly erligi bolyp sanalady. Osydan esh ýaqytta tanbaiyq. Biz tarihtan bilemiz, qazaqty esh ýaqytta syrttan kelip jaý alǵan joq. Aldymen ishimizdi iritip, bir-birimizge aidap salyp, "ból de jaýlap al" degen saiasatty júrgizdi. Qazaqtyń basy birikkende barlyq jaýdy jeńip otyrǵan. Sondyqtan birligimizden tanbaiyq. Bir bolsaq, birge bolsaq, aldymen qazaqtyń birligi, ekinshi kóp etnosty elimizdiń birligi, bizge degen senim bolsa barlyq aitqanymyz bolady. Erteńnen bastap ekinshi 25 jyldyqqa aiaq basamyz. Ekinshi 25 jyldyq bitip, Qazaqstannyń 50 jyldyǵynda munan da keremet sózder aitylatyndyǵyna senemin", - dedi Elbasy.
Sonymen qatar Nazarbaev búgingi jiynda Rio Olimpiadasynyń chempiony Daniiar Eleýsinovtiń Qazaqstannyń uranyna qatysty usynys jasaǵanyn aita kele: "Muny qoldaimyn. Uranymyz - "Alǵa, Qazaqstan!" bolsyn", - dedi.
Aita keteiik, saltanatty jiyn barysynda sóz sóilegen Daniiar Eleýsinov Qazaqstan Prezidentine: "Álemdegi kóptegen memleketterdiń urandary bar. Jastardy jigerlendirip, azamattardy biriktiretin biraq aýyz sóz. Bizdiń babalarymyz da uran shaqyrylǵanda bir týdyń astynan tabylǵan. Osyǵan bailanysty sportshylardan ózińizge usynys bar. «Qazaqstan, tek qana alǵa!» degen sózińizdi elimizdiń resmi uranyna ainaldyrsaq. Bul barsha patriottardyń máńgilik urany bolar edi", - degen edi.
.jpeg)