- ۇرانىمىز - "العا, قازاقستان!" بولسىن. بٷگٸن ەلوردادا ٶتٸپ جاتقان قازاقستان تەۋەلسٸزدٸگٸنٸڭ 25 جىلدىق مەرەيتويىنا ارنالعان سالتاناتتى جيىندا ەلباسى نۇرسۇلتان نازارباەۆ وسىلاي ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
"ەرينە, بٷگٸن قۋانىش, بٷگٸن مەرەكە. بارلىعىمىزدىڭ تويىمىز. توي ٷستٸندە تويعا بايلانىستى تٸلەكتەر ايتىلادى. سوندىقتان مەنٸڭ اتىما دا كٶپ سٶزدەر ايتىلدى. ەرينە, ادام رەتٸندە ونىڭ بەرٸن تىڭداۋ جانىڭا جاعادى. دەگەنمەن مىنداي قىرۋار جۇمىستى قانداي بولسا دا بٸر ادام ەڭسەرە المايدى. سوندىقتان باسىمدى يٸپ, حالقىما ريزاشىلىعىمدى بٸلدٸرەمٸن", - دەدٸ ەلباسى.
مەملەكەت باسشىسى قيىن-قىستاۋ جاعدايلاردا سەنٸم ارتىپ, سوڭىنا ٸلەسكەن حالقىنا العىسىن ايتتى.
"بۇل حالقىمىزدىڭ, قازاقتىڭ تاعى بٸر ۇلى ەرلٸگٸ بولىپ سانالادى. وسىدان ەش ۋاقىتتا تانبايىق. بٸز تاريحتان بٸلەمٸز, قازاقتى ەش ۋاقىتتا سىرتتان كەلٸپ جاۋ العان جوق. الدىمەن ٸشٸمٸزدٸ ٸرٸتٸپ, بٸر-بٸرٸمٸزگە ايداپ سالىپ, "بٶل دە جاۋلاپ ال" دەگەن ساياساتتى جٷرگٸزدٸ. قازاقتىڭ باسى بٸرٸككەندە بارلىق جاۋدى جەڭٸپ وتىرعان. سوندىقتان بٸرلٸگٸمٸزدەن تانبايىق. بٸر بولساق, بٸرگە بولساق, الدىمەن قازاقتىڭ بٸرلٸگٸ, ەكٸنشٸ كٶپ ەتنوستى ەلٸمٸزدٸڭ بٸرلٸگٸ, بٸزگە دەگەن سەنٸم بولسا بارلىق ايتقانىمىز بولادى. ەرتەڭنەن باستاپ ەكٸنشٸ 25 جىلدىققا اياق باسامىز. ەكٸنشٸ 25 جىلدىق بٸتٸپ, قازاقستاننىڭ 50 جىلدىعىندا مۇنان دا كەرەمەت سٶزدەر ايتىلاتىندىعىنا سەنەمٸن", - دەدٸ ەلباسى.
سونىمەن قاتار نازارباەۆ بٷگٸنگٸ جيىندا ريو وليمپياداسىنىڭ چەمپيونى دانييار ەلەۋسٸنوۆتٸڭ قازاقستاننىڭ ۇرانىنا قاتىستى ۇسىنىس جاساعانىن ايتا كەلە: "مۇنى قولدايمىن. ۇرانىمىز - "العا, قازاقستان!" بولسىن", - دەدٸ.
ايتا كەتەيٸك, سالتاناتتى جيىن بارىسىندا سٶز سٶيلەگەن دانييار ەلەۋسٸنوۆ قازاقستان پرەزيدەنتٸنە: "ەلەمدەگٸ كٶپتەگەن مەملەكەتتەردٸڭ ۇراندارى بار. جاستاردى جٸگەرلەندٸرٸپ, ازاماتتاردى بٸرٸكتٸرەتٸن بٸراق اۋىز سٶز. بٸزدٸڭ بابالارىمىز دا ۇران شاقىرىلعاندا بٸر تۋدىڭ استىنان تابىلعان. وسىعان بايلانىستى سپورتشىلاردان ٶزٸڭٸزگە ۇسىنىس بار. «قازاقستان, تەك قانا العا!» دەگەن سٶزٸڭٸزدٸ ەلٸمٸزدٸڭ رەسمي ۇرانىنا اينالدىرساق. بۇل بارشا پاتريوتتاردىڭ مەڭگٸلٸك ۇرانى بولار ەدٸ", - دەگەن ەدٸ.
.jpeg)