QR Prezidenti Nursultan Nazarbaev bank sektoryn saýyqtyrý úshin Ulttyq qordan aqsha bólý týraly qaýlyǵa qol qoidy, - dep habarlaidy kaz.tengrinews.kz. Qujat QR normativtik quqyqtyq aktileriniń aqparattyq-quqyqtyq júiesi "Ádilet" portalynda jariialandy.
"Qaýly etemin: Qazaqstan Respýblikasynyń Ulttyq qorynan bank sektoryn saýyqtyrý úshin respýblikalyq biýdjetke 2017 jylǵa 1 (bir) trillion 92 (toqsan eki) milliard 941 (toǵyz júz qyryq bir) million 288 (eki júz seksen segiz) myń 400 (tórt júz) teńge bólý", - delingen QR Prezidentiniń qaýlysynda.
Sondai-aq, qujatta qaýlynyń oǵan qol qoiylǵan kúnnen bastap júzege asyrylatyny aitylady.
Aita keteiik, aqpan aiynyń ortasynda QR Ulttyq bankiniń tóraǵasy Oleg Smoliakov úkimettegilerdiń banktegi nesielerdiń problemasyn sheshý úshin eki trillion teńge bólý týraly sheshimin aitqan bolatyn. Al qańtar aiynyń sońynda Qazaqstan Prezidenti jyl saiynǵy Joldaýynda elimizdegi qarjy sektory jumysyn saýyqtyrý qajettigin aitqan edi.
.jpeg)