Tanymal ánshi Búrkit jubaiy Aishamen qalai shańyraq kótergenin aityp, ata-anasynan jasyryn neke qidyrǵanyn alǵash estigen ákesiniń qatty renjigenin eske aldy, dep habarlaidy ult.kz.
Óner iesi bul oqiǵany “Otets” podkastynda áńgimeledi. Onyń sózinshe, Aishamen eki jylǵa jýyq kezdesken soń, 34 jasynda úilenýge bel býǵan. Alaida mańyzdy sheshimin ata-anasyna aldyn ala aitpaǵan. Ánshi jaqyn dostary, ápkesi men inisin ertip baryp, Aishamen nekesin qidyrǵan. Tek sodan keiin ǵana Tarazdaǵy ata-anasyna baryp, úilengenin jetkizgen.
“Eshkimge aitpai, dostarymdy, ápkem men inimdi ertip baryp, nekemizdi qidyrdyq. Sodan keiin Tarazǵa, ata-anama bardym. Úilenetinimdi aittym. Ol kezde neke qiylyp qoiǵan edi. Ákem qatty ashýlandy. Aýylǵa bara jatqanda da, qaitar jolda da urysty. 60 shaqyrym jol boiy maǵan renishin aitty”, – dedi ánshi.
Búrkittiń aitýynsha, ákesi ulynyń úilený máselesin ata-anasymen aqyldaspai sheshkenine qapalanǵan. Ásirese ómirindegi mańyzdy jańalyqty ózgelerden keiin bilgeni kóńiline tigen.
“Ákem "Sen jetimsiń be? Nege bizge aitpadyń? Nege biz bilmei qaldyq? Úilenetinińdi ata-anań bilýi kerek qoi" dep renjidi. Biraq men sheshimimdi qabyldap qoiǵan edim. 34 jasqa kelgende endi úilenýim kerek ekenin túsindim”, – dep eske aldy ol.
Al ánshiniń anasy Aishany kelin bolmai turyp-aq unatyp qalǵan eken. Búrkittiń sózinshe, anasy bolashaq kelinin alǵash ret beinebaiannan kórip, jyly pikir bildirgen.
“Anam adamnyń qandai ekenin kózine qarap-aq baiqaityn. Buryn tanystyrǵan qyzdarymdy unata bermeitin. Tipti keiingi jeti-segiz jylda eshkimdi kórsetpeitin boldym. Bir kúni anam Aishanyń "Raba liýbvi" ánine túsirilgen beinebaianyn kórip, "Qandai jaqsy qyz, kózderi qandai meiirimdi" dedi. Sol sózin esimde saqtap qaldym”, – dedi óner iesi.
Degenmen ákesiniń ashýy kópke sozylmaǵan. Bul jaǵdaidy ánshiniń anasy rettep, kóp uzamai úilený toiynyń qamy bastalǵan.
“Úige kelgennen keiin syrtqa shyǵyp kettim. Jarty saǵattai ýaqyt ótken soń qaita kirsem, ákem betashardyń kúnin belgileý keregin aityp otyr. Birden anama qaradym. Anam bárin rettep qoiǵan eken”, – dedi Búrkit kúlip.
Osylaisha, alǵashynda ákesiniń qarsylyǵyna tap bolǵan ánshiniń úilený týraly sheshimi aqyrynda ata-anasynyń qoldaýyna ie bolǵan.
Aita keteiik, Búrkit pen Aisha 2010 jyly shańyraq kótergen. Búginde ónerli jup birge án aityp, shyǵarmashylyqpen ainalysyp keledi. Erli-zaiyptylar tórt bala tárbielep otyr.
Búrkit kim?
Búrkit – qazaqstandyq tanymal estrada ánshisi, akter, rejisser ári prodiýser. Onyń shyn esimi – Aibek Janseiitov. Óner iesi 1978 jyly 12 shildede Taraz qalasynda dúniege kelgen. Ákesi áskeri salada qyzmet etken, al anasy Aisha Qopjasarova – aqyn. Búrkit jastaiynan mýzykaǵa qyzyǵyp, keiin ánshilikti kásibine ainaldyrǵan. 2002 jyly prodiýser Evgenii Jaǵaltaevpen tanysqannan keiin “Búrkit” sahnalyq atymen jeke shyǵarmashylyǵyn bastaǵan. Ol qazaq jáne orys tilderinde án oryndaidy.
Ánshi “Taý-taý sezim”, “Týǵan jer”, “Mekenim Qazaqstan” jáne “Qolymnan usta” siiaqty ánderimen kópshilikke tanylǵan. Mýzykadan bólek kino salasynda da eńbek etip, “Apan” jáne “Tilek tile” jobalaryna qatysqan. Búrkit 2008 jyly bolashaq jary Aishamen tanysyp, shyǵarmashylyq bailanys ornatqan. Aishanyń shyn esimi – Viktoriia Janseiitova. Ekeýi 2010 jyly shańyraq kótergen. Búginde erli-zaiyptylar Zeiin, Omar esimdi uldary men Safiia, Latifa esimdi qyzdaryn tárbielep otyr. Olardyń kenje qyzy 2025 jyldyń mamyr aiynda dúniege kelgen. Búrkit pen Aisha otbasylyq ómiri men bala tárbiesine qatysty oilaryn suhbattarynda jáne áleýmettik jelilerde jii bólisedi.
