قر پرەزيدەنتٸ نۇرسۇلتان نازارباەۆ بانك سەكتورىن ساۋىقتىرۋ ٷشٸن ۇلتتىق قوردان اقشا بٶلۋ تۋرالى قاۋلىعا قول قويدى, - دەپ حابارلايدى kaz.tengrinews.kz. قۇجات قر نورماتيۆتٸك قۇقىقتىق اكتٸلەرٸنٸڭ اقپاراتتىق-قۇقىقتىق جٷيەسٸ "ەدٸلەت" پورتالىندا جارييالاندى.
"قاۋلى ەتەمٸن: قازاقستان رەسپۋبليكاسىنىڭ ۇلتتىق قورىنان بانك سەكتورىن ساۋىقتىرۋ ٷشٸن رەسپۋبليكالىق بيۋدجەتكە 2017 جىلعا 1 (بٸر) تريلليون 92 (توقسان ەكٸ) ميلليارد 941 (توعىز جٷز قىرىق بٸر) ميلليون 288 (ەكٸ جٷز سەكسەن سەگٸز) مىڭ 400 (تٶرت جٷز) تەڭگە بٶلۋ", - دەلٸنگەن قر پرەزيدەنتٸنٸڭ قاۋلىسىندا.
سونداي-اق, قۇجاتتا قاۋلىنىڭ وعان قول قويىلعان كٷننەن باستاپ جٷزەگە اسىرىلاتىنى ايتىلادى.
ايتا كەتەيٸك, اقپان ايىنىڭ ورتاسىندا قر ۇلتتىق بانكٸنٸڭ تٶراعاسى ولەگ سمولياكوۆ ٷكٸمەتتەگٸلەردٸڭ بانكتەگٸ نەسيەلەردٸڭ پروبلەماسىن شەشۋ ٷشٸن ەكٸ تريلليون تەڭگە بٶلۋ تۋرالى شەشٸمٸن ايتقان بولاتىن. ال قاڭتار ايىنىڭ سوڭىندا قازاقستان پرەزيدەنتٸ جىل سايىنعى جولداۋىندا ەلٸمٸزدەگٸ قارجى سەكتورى جۇمىسىن ساۋىقتىرۋ قاجەتتٸگٸن ايتقان ەدٸ.
.jpeg)