Memleket basshysy Ulttyq banktiń tóraǵasynyń sózin sóiledi, - dep habarlaidy kaz.tengrinews.kz tilshisi QR Úkimet úiinen.
Memleket basshysynyń qatysýymen ótip jatqan Úkimettiń keńeitilgen otyrysynda Ulttyq bank basshysy qarjy mekemesiniń jumysy týraly esep berdi. Baiandamadan keiin Prezident ministrler kabinetiniń múshelerine Aqyshevty qorǵap sóiledi.
"Meniń oiymsha, Ulttyq bank ótken jyly aýyr bolǵanyna qaramastan, jaqsy jumys istedi. Men qazir banktiń múmkindigin zańdy deńgeide kúsheitý úshin tapsyrma berdim. Osyndai quqyq berý kerek. Ulttyq banktiń isine aralasý elimizdiń qarjy júiesine aralasý dep sanap, jazalaý kerek. Meniń baiqaýymsha, Ulttyq bank tártip ornatqan saiyn, Ulttyq bank tóraǵasyna shabýyldar da kóbeiip ketken", - dedi Nursultan Nazarbaev.
Memleket basshysy qazirgi ýaqytta Ulttyq bank tóraǵasyn júz paiyz qoldaitynyn aitty. "Muny aktsionerler men demeýshiler jasaidy, olar osy jerde otyr. Eshkimnen qoryqpa, eshkimnen", - dedi Nazarbaev Ulttyq bank tóraǵasyna.
"Myna gazetter, jýrnalister, olardyń ieleri kináli - biz tártip ornatýǵa kedergi keltirip jatqan sol ielerge qatysty shara qoldanatyn bolamyz", - dedi Prezident.
"Eger bireý aralasyp, tiisip jatsa maǵan tegin ait", - dedi Nursultan Nazarbaev.
Eske salaiyq, 25 qańtarda Qazaqstan Prezidenti qazaqstandyqtarǵa arnaiy úndeý jasaǵan bolatyn. Prezidenttiń bilik tarmaqtaryn úlestirý máseleleri boiynsha úndeýi telearnalar efirinde taratyldy. Keiinirek Prezidenttiń Qazaqstan halqyna Joldaýynyń mátini jariia bolǵan edi. Joldaýda Nazarbaev Úkimettiń bir oryndy shiyrlai berýdi doǵarýyn, sondai-aq, Úkimet pen Ulttyq qaýipsizdik komitetine "Qazaqstan kiberqalqany" júiesin qalyptastyrý sharalaryn qabyldaýdy tapsyrǵan edi.
.jpeg)