مەملەكەت باسشىسى ۇلتتىق بانكتٸڭ تٶراعاسىنىڭ سٶزٸن سٶيلەدٸ, - دەپ حابارلايدى kaz.tengrinews.kz تٸلشٸسٸ قر ٷكٸمەت ٷيٸنەن.
مەملەكەت باسشىسىنىڭ قاتىسۋىمەن ٶتٸپ جاتقان ٷكٸمەتتٸڭ كەڭەيتٸلگەن وتىرىسىندا ۇلتتىق بانك باسشىسى قارجى مەكەمەسٸنٸڭ جۇمىسى تۋرالى ەسەپ بەردٸ. باياندامادان كەيٸن پرەزيدەنت مينيسترلەر كابينەتٸنٸڭ مٷشەلەرٸنە اقىشەۆتى قورعاپ سٶيلەدٸ.
"مەنٸڭ ويىمشا, ۇلتتىق بانك ٶتكەن جىلى اۋىر بولعانىنا قاراماستان, جاقسى جۇمىس ٸستەدٸ. مەن قازٸر بانكتٸڭ مٷمكٸندٸگٸن زاڭدى دەڭگەيدە كٷشەيتۋ ٷشٸن تاپسىرما بەردٸم. وسىنداي قۇقىق بەرۋ كەرەك. ۇلتتىق بانكتٸڭ ٸسٸنە ارالاسۋ ەلٸمٸزدٸڭ قارجى جٷيەسٸنە ارالاسۋ دەپ ساناپ, جازالاۋ كەرەك. مەنٸڭ بايقاۋىمشا, ۇلتتىق بانك تەرتٸپ ورناتقان سايىن, ۇلتتىق بانك تٶراعاسىنا شابۋىلدار دا كٶبەيٸپ كەتكەن", - دەدٸ نۇرسۇلتان نازارباەۆ.
مەملەكەت باسشىسى قازٸرگٸ ۋاقىتتا ۇلتتىق بانك تٶراعاسىن جٷز پايىز قولدايتىنىن ايتتى. "مۇنى اكتسيونەرلەر مەن دەمەۋشٸلەر جاسايدى, ولار وسى جەردە وتىر. ەشكٸمنەن قورىقپا, ەشكٸمنەن", - دەدٸ نازارباەۆ ۇلتتىق بانك تٶراعاسىنا.
"مىنا گازەتتەر, جۋرناليستەر, ولاردىڭ يەلەرٸ كٸنەلٸ - بٸز تەرتٸپ ورناتۋعا كەدەرگٸ كەلتٸرٸپ جاتقان سول يەلەرگە قاتىستى شارا قولداناتىن بولامىز", - دەدٸ پرەزيدەنت.
"ەگەر بٸرەۋ ارالاسىپ, تيٸسٸپ جاتسا ماعان تەگٸن ايت", - دەدٸ نۇرسۇلتان نازارباەۆ.
ەسكە سالايىق, 25 قاڭتاردا قازاقستان پرەزيدەنتٸ قازاقستاندىقتارعا ارنايى ٷندەۋ جاساعان بولاتىن. پرەزيدەنتتٸڭ بيلٸك تارماقتارىن ٷلەستٸرۋ مەسەلەلەرٸ بويىنشا ٷندەۋٸ تەلەارنالار ەفيرٸندە تاراتىلدى. كەيٸنٸرەك پرەزيدەنتتٸڭ قازاقستان حالقىنا جولداۋىنىڭ مەتٸنٸ جارييا بولعان ەدٸ. جولداۋدا نازارباەۆ ٷكٸمەتتٸڭ بٸر ورىندى شيىرلاي بەرۋدٸ دوعارۋىن, سونداي-اق, ٷكٸمەت پەن ۇلتتىق قاۋٸپسٸزدٸك كوميتەتٸنە "قازاقستان كيبەرقالقانى" جٷيەسٸن قالىپتاستىرۋ شارالارىن قابىلداۋدى تاپسىرعان ەدٸ.
.jpeg)