Túrkistan oblysy Tólebi aýdanyndaǵy №3 Kóksaiek arnaýly áleýmettik qyzmetter kórsetý ortalyǵyna monitoring jumystary júrgizildi, dep habarlaidy "Ult aqparat".
Óńirlik kommýnikatsiialar qyzmetiniń málimetinshe, QR Eńbek jáne halyqty áleýmettik qorǵaý ministrligi Eńbek, áleýmettik qorǵaý jáne kóshi-qon komiteti, eńbek inspektsiiasy, taýarlar men qyzmetterdiń sapasy men qaýipsizdigin baqylaý departamenti ókilderinen qurylǵan arnaiy jumysshy top zerdeleý barysynda birqatar kemshilikterdi anyqtap, olardy joiý boiynsha tiisti sharalar qabyldaǵan.
Aita keteiik, bul sharýalar osydan 3 ai buryn áleýmettik jelilerde atalǵan mekemede kórsetiletin qyzmetterdiń sapasyna qatysty qoǵam belsendileri tarapynan jariialanǵan syni materialdar negizinde atqaryldy.
Zerdeleý jumystarynyń nátijesinde atalǵan ortalyqtyń materialdyq-tehnikalyq bazasyna tolyq túgendeý jumystary júrgizildi. Qyzmet alýshylarǵa sapaly qyzmet kórsetý, ǵimarat pen jabdyqtarǵa jóndeý jumystaryn júrgizý, internet bailanysyn jetildirý, beinebaqylaý júiesin jańartý úshin aǵymdaǵy jyldyń biýdjetinde qarjy qarastyryldy.
Sondai-aq, ortalyq janynan qoǵamdyq baqylaý keńesi qurylyp, mekeme qyzmetiniń ashyqtyǵy men aiqyndyǵyn qamtamasyz etý jáne kórsetiletin qyzmetti alýshylardyń zańdy quqyqtaryn qorǵaý jónindegi jumystarda belsendilik tanytty.
Syni materialda kórsetilgen faktiler boiynsha ortalyqtyń qarjylyq qyzmetine, memlekettik satyp alýlaryna jospardan tys tekserý júrgizý týraly quzyrly organdarǵa Ishki memlekettik aýdit departamentine jáne oblys ákiminiń apparatyna hat joldandy.
Aldaǵy kúnderi osyǵan bailanysty tiisti tekserý jumystary júrgizilmek.
Odan bólek, vedomstvoaralyq keńeste berilgen hattamalyq tapsyrmalar men usynymdarǵa sáikes ortalyq direktory laýazymyna N.Daribaeva 3 ai synaq merzimimen taǵaiyndaldy.
Núrgúlsim Ratbekqyzy 1993 jyldan bastap áleýmettik salada medbike, aǵa medbike, direktor orynbasary, direktor laýazymyna deiin eńbektengen, mamandyǵy - meditsina, pedagogika.
Sońǵy jyldary №2 arnaýly áleýmettik qyzmetter kórsetý ortalyǵynyń direktory qyzmetin atqarǵan.
Sonymen qatar, Eńbek ministrliginiń tapsymasyna sáikes oblystaǵy «qadamdyq qoljetimdilik» sheńberindegi qyzmetterdi áleýetti alýshylarǵa barynsha jaqyndata otyryp, arnaýly áleýmettik qyzmetter kórsetetin uiymdar jelisin keńeitý boiynsha sharalar qabyldanýda.
Osyǵan bailanysty aimaqtyń 5 aýdan, qalasynda arnaýly áleýmettik qyzmetter kórsetý ortalyqtaryn salý kózdelip otyr.
