تٷركٸستان وبلىسى تٶلەبي اۋدانىنداعى №3 كٶكسايەك ارناۋلى ەلەۋمەتتٸك قىزمەتتەر كٶرسەتۋ ورتالىعىنا مونيتورينگ جۇمىستارى جٷرگٸزٸلدٸ, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸنٸڭ مەلٸمەتٸنشە, قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەڭبەك, ەلەۋمەتتٸك قورعاۋ جەنە كٶشٸ-قون كوميتەتٸ, ەڭبەك ينسپەكتسيياسى, تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ ٶكٸلدەرٸنەن قۇرىلعان ارنايى جۇمىسشى توپ زەردەلەۋ بارىسىندا بٸرقاتار كەمشٸلٸكتەردٸ انىقتاپ, ولاردى جويۋ بويىنشا تيٸستٸ شارالار قابىلداعان.
ايتا كەتەيٸك, بۇل شارۋالار وسىدان 3 اي بۇرىن ەلەۋمەتتٸك جەلٸلەردە اتالعان مەكەمەدە كٶرسەتٸلەتٸن قىزمەتتەردٸڭ ساپاسىنا قاتىستى قوعام بەلسەندٸلەرٸ تاراپىنان جارييالانعان سىني ماتەريالدار نەگٸزٸندە اتقارىلدى.
زەردەلەۋ جۇمىستارىنىڭ نەتيجەسٸندە اتالعان ورتالىقتىڭ ماتەريالدىق-تەحنيكالىق بازاسىنا تولىق تٷگەندەۋ جۇمىستارى جٷرگٸزٸلدٸ. قىزمەت الۋشىلارعا ساپالى قىزمەت كٶرسەتۋ, عيمارات پەن جابدىقتارعا جٶندەۋ جۇمىستارىن جٷرگٸزۋ, ينتەرنەت بايلانىسىن جەتٸلدٸرۋ, بەينەباقىلاۋ جٷيەسٸن جاڭارتۋ ٷشٸن اعىمداعى جىلدىڭ بيۋدجەتٸندە قارجى قاراستىرىلدى.
سونداي-اق, ورتالىق جانىنان قوعامدىق باقىلاۋ كەڭەسٸ قۇرىلىپ, مەكەمە قىزمەتٸنٸڭ اشىقتىعى مەن ايقىندىعىن قامتاماسىز ەتۋ جەنە كٶرسەتٸلەتٸن قىزمەتتٸ الۋشىلاردىڭ زاڭدى قۇقىقتارىن قورعاۋ جٶنٸندەگٸ جۇمىستاردا بەلسەندٸلٸك تانىتتى.
سىني ماتەريالدا كٶرسەتٸلگەن فاكتٸلەر بويىنشا ورتالىقتىڭ قارجىلىق قىزمەتٸنە, مەملەكەتتٸك ساتىپ الۋلارىنا جوسپاردان تىس تەكسەرۋ جٷرگٸزۋ تۋرالى قۇزىرلى ورگاندارعا ٸشكٸ مەملەكەتتٸك اۋديت دەپارتامەنتٸنە جەنە وبلىس ەكٸمٸنٸڭ اپپاراتىنا حات جولداندى.
الداعى كٷندەرٸ وسىعان بايلانىستى تيٸستٸ تەكسەرۋ جۇمىستارى جٷرگٸزٸلمەك.
ودان بٶلەك, ۆەدومستۆوارالىق كەڭەستە بەرٸلگەن حاتتامالىق تاپسىرمالار مەن ۇسىنىمدارعا سەيكەس ورتالىق ديرەكتورى لاۋازىمىنا ن.داريباەۆا 3 اي سىناق مەرزٸمٸمەن تاعايىندالدى.
نٷرگٷلسٸم راتبەكقىزى 1993 جىلدان باستاپ ەلەۋمەتتٸك سالادا مەدبيكە, اعا مەدبيكە, ديرەكتور ورىنباسارى, ديرەكتور لاۋازىمىنا دەيٸن ەڭبەكتەنگەن, ماماندىعى - مەديتسينا, پەداگوگيكا.
سوڭعى جىلدارى №2 ارناۋلى ەلەۋمەتتٸك قىزمەتتەر كٶرسەتۋ ورتالىعىنىڭ ديرەكتورى قىزمەتٸن اتقارعان.
سونىمەن قاتار, ەڭبەك مينيسترلٸگٸنٸڭ تاپسىماسىنا سەيكەس وبلىستاعى «قادامدىق قولجەتٸمدٸلٸك» شەڭبەرٸندەگٸ قىزمەتتەردٸ ەلەۋەتتٸ الۋشىلارعا بارىنشا جاقىنداتا وتىرىپ, ارناۋلى ەلەۋمەتتٸك قىزمەتتەر كٶرسەتەتٸن ۇيىمدار جەلٸسٸن كەڭەيتۋ بويىنشا شارالار قابىلدانۋدا.
وسىعان بايلانىستى ايماقتىڭ 5 اۋدان, قالاسىندا ارناۋلى ەلەۋمەتتٸك قىزمەتتەر كٶرسەتۋ ورتالىقتارىن سالۋ كٶزدەلٸپ وتىر.
