Almaty qalalyq №7 klinikalyq aýrýhananyń bas dárigeri Ánýar Amanov qyzmetinen bosatyldy, - dep habarlaidy "Ult aqparat" kaz.tengrinews.kz portalyna silteme jasap. Qalalyq Densaýlyq saqtaý basqarmasyndaǵylar komissiia atqarǵan jumystyń qorytyndysyna qatysty resmi málimetti aitty.
"Almaty qalalyq Densaýlyq saqtaý basqarmasynyń 2017 jylǵy 27 qańtardaǵy buiryǵymen qalalyq №7 klinikalyq aýrýhananyń bas dárigeri Á.T.Amanov qyzmetinen bosatyldy. Bas dárigerdiń mindetin endi aýrýhana basshysynyń orynbasary J.S. Sheriiazdan atqarady", - dedi Almaty qalalyq Densaýlyq saqtaý basqarmasyndaǵylar.
Jadyra Sheriiazdan Almatydaǵy memlekettik meditsinalyq institýtyn dárigerlik emdeý isi mamandyǵy boiynsha bitirgen. Eńbek jolyn internatýra men rezidentýra kafedrasynyń kómekshisi qyzmetinen bastaǵan. 2013 jyly qalalyq №7 klinikalyq aýrýhananyń gematologiia bóliminiń meńgerýshisi bolyp taǵaiyndalǵan. Al 2015 jyldan beri klinikada bas dárigerdiń orynbasary bolyp jumys istegen.
"Almaty qalalyq Densaýlyq saqtaý basqarmasynyń buiryǵymen qurylǵan komissiia videojazbanyń 2015 jyly №4 qalalyq klinikalyq aýrýhanasynyń jumys jiynynda túsirilgenin anyqtady. Jiyndy aýrýhananyń burynǵy bas dárigeri A.T.Amanov ótkizgen. Ol 2016 jyly rotatsiia aiasynda №7 qalalyq aýrýhanaǵa aýystyrylǵan", - dep rastady basqarma ókilderi.
Eske salaiyq, WhatsApp messendjerinde jáne Facebook áleýmettik jelisinde meditsinalyq jumysshylardyń meditsinalyq mekemelerdiń birinde ótkizgen jiyny túsirilgen video paida bolǵan edi. Onda meditsinalyq mekemeniń bas dárigeri ádep normasyn buzyp, "meditsinalyq jumysshynyń atyna kir keltiretin áreket jasaǵan".
"Endigide meditsinalyq jumysshylar mundai erejebuzýshylyq jaǵdailaryn jasamaýy úshin qalalyq meditsinalyq uiymdarda túsindirý jumystary júrgizildi. Densaýlyq saqtaý basqarmasynda qurylǵan komissiia №7 qalalyq aýrýhananyń qyzmetine tekseris júrgizýdi jalǵastyryp jatyr" delingen habarlamada.
