National Geographic 2017 jyldyń úzdik fotosýretterin jariialady, olardyń ishinde Djon Stenmeierdiń Tashkentte ótken "ózbek toiyn" túsirgen sýreti de bar, dep habarlaidy "Ult aqparat".
«Tashkenttegi meiramhanalardyń birinde aǵaiyndy ekeý men olardyń jubailary toidyń bastalýyn kútip tur. Qazirgi Ózbekstan astanasy kóp ýaqyt boiy Uly Jibek jolyndaǵy kerýender toqtaityn mekenderdiń biri bolǵan», - dep jazdy Djon Stenmeier Instagramda.
Túrli jobalar aiasynda National Geographic-pen yntymaqtastyqtaǵy jýrnalister men fotosarapshylar dástúrli túrde myńdaǵan sýretterdiń arasynan úzdik fotolardy tańdaidy.
Eske sala ketsek, 2016 jyly National Geographic-tiń fotografy Djon Stenmeier Qazaqstannyń Mańǵystaý oblysyna saiahat jasap, qazaqtyń dásúrli toiyndaǵy jas jubailardy izdegen bolatyn. Onyń Aqtaýda túsirgen kókparǵa daiyndalyp jatqan shabandozdardyń sýreti National Geographic-tiń fototaspasyndaǵy úzdik fotolardyń birine ainalǵan.
National Geographic-tiń tanymal amerikalyq fotosýretshisi Djon Stenmeier fotografiia salasyndaǵy kóptegen halyqaralyq syilyqtardy, sonyń ishinde 2014 jyly World Press Photo syilyǵyn da jeńip alǵan.
