National Geographic 2017 جىلدىڭ ٷزدٸك فوتوسۋرەتتەرٸن جارييالادى, ولاردىڭ ٸشٸندە دجون ستەنمەيەردٸڭ تاشكەنتتە ٶتكەن "ٶزبەك تويىن" تٷسٸرگەن سۋرەتٸ دە بار, دەپ حابارلايدى "ۇلت اقپارات".
«تاشكەنتتەگٸ مەيرامحانالاردىڭ بٸرٸندە اعايىندى ەكەۋ مەن ولاردىڭ جۇبايلارى تويدىڭ باستالۋىن كٷتٸپ تۇر. قازٸرگٸ ٶزبەكستان استاناسى كٶپ ۋاقىت بويى ۇلى جٸبەك جولىنداعى كەرۋەندەر توقتايتىن مەكەندەردٸڭ بٸرٸ بولعان», - دەپ جازدى دجون ستەنمەيەر ينستاگرامدا.
تٷرلٸ جوبالار اياسىندا National Geographic-پەن ىنتىماقتاستىقتاعى جۋرناليستەر مەن فوتوساراپشىلار دەستٷرلٸ تٷردە مىڭداعان سۋرەتتەردٸڭ اراسىنان ٷزدٸك فوتولاردى تاڭدايدى.
ەسكە سالا كەتسەك, 2016 جىلى National Geographic-تٸڭ فوتوگرافى دجون ستەنمەيەر قازاقستاننىڭ ماڭعىستاۋ وبلىسىنا ساياحات جاساپ, قازاقتىڭ دەسٷرلٸ تويىنداعى جاس جۇبايلاردى ٸزدەگەن بولاتىن. ونىڭ اقتاۋدا تٷسٸرگەن كٶكپارعا دايىندالىپ جاتقان شاباندوزداردىڭ سۋرەتٸ National Geographic-تٸڭ فوتوتاسپاسىنداعى ٷزدٸك فوتولاردىڭ بٸرٸنە اينالعان.
National Geographic-تٸڭ تانىمال امەريكالىق فوتوسۋرەتشٸسٸ دجون ستەنمەيەر فوتوگرافييا سالاسىنداعى كٶپتەگەن حالىقارالىق سىيلىقتاردى, سونىڭ ٸشٸندە 2014 جىلى World Press Photo سىيلىعىن دا جەڭٸپ العان.
