32 jyl buryn zorlyq-zombylyqqa ushyraǵanyn aityp, qoǵamǵa óz oqiǵasyn jariialaǵan Natasha Qalymbetova anasynyń ómirden ótkenin eske alyp, sol kezeńniń ózine aýyr soqqy bolǵanyn aitty, dep habarlaidy ult.kz.
Natasha tikelei efirge shyǵyp, júrekti syzdatqan sózder aitty. Ol ómirden ótken anasyna arnap:
«Saǵan esh kináń joq ekenin dáleldegim keldi. Ekeýmiz sol aýylǵa birge baryp, barlyǵyna kinálilerdiń jazalanǵanyn, ádildik bar ekenin kórsetkim keldi. Biraq úlgermedim», – dedi.
Ol jýrnalist Dana Nurjigitke bergen suhbatynda 17 jasynda anasymen ǵana turǵanyn, keiin kóp uzamai anasynan aiyrylyp, ómirde múlde jalǵyz qalǵanyn jetkizdi. Natashanyń aitýynsha, tórt aǵasy bolǵanymen, árqaisysy óz tirshiligimen ketkendikten, qiyn kezeńde ózin qoldaityn jan bolmaǵan.
Suhbat barysynda Natasha Qalymbetova anasynyń óte qatal bolǵanyn da jasyrmady.
Eske salaiyq, Natasha Qalymbetova biyl áleýmettik jelide 17 jasynda birneshe er adamnyń zorlyǵyna ushyraǵanyn aityp, oqiǵa qoǵamda úlken rezonans týdyrǵan bolatyn. Osydan keiin quqyq qorǵaý organdary 30 jyldan astam ýaqyt buryn bolǵan oqiǵa boiynsha qylmystyq is qozǵap, tergeý jumystaryn qaita bastaǵan.
