329 qazaqstandyq elge PTR anyqtamasyz ushyp keldi, dep habarlaidy "Ult aqparat".
«Búgin túnde Sharm-el-Sheihtan PTR anyqtamasyz ushyp kelgen Nur-Sultan qalasynyń 2 turǵyny PTR saraptama tapsyrý úshin karantinge aparatyn arnaýly avtobýsqa otyrǵyzý barysynda áýejaidan qashyp ketti. Kóliktegi politsiia qyzmetkerleri shuǵyl arada olardyń turǵylyqty jerlerin anyqtap, karantindik statsonarǵa jetkizdi», - dep jazdy QR Kóliktegi bas memlekettik sanitar dáriger Sadýaqas Baiǵabylov Facebook paraqshasynda.
23 qazan kúni túnde elimizge 11 reispen 1291 jolaýshy ushyp keldi.
«Olardy 962-sinde PTR anyqtama bolsa, 329 jolaýshyda anyqtama bolmai shyqty. Bul rette Nur-Sultan qalasyna 5 reispen kelgen 522 jolaýshynyń 373-inde anyqtama bolsa, 149-ynda anyqtama bolmady. Almatyǵa 5 reispen 728 jolaýshy keldi. Onyń 548-i anyqtamamen, 180-i anyqtamasyz jetken. Al Aqtaýǵa 1 reispen jetken 41 jolaýshynyń barlyǵynyń anyqtamasy bar», - dedi sanitar dáriger.
Onyń atap ótýinshe, anyqtamasyz ushyp kelgen Qazaqstan azamattary PTR saraptama tapsyrý úshin Nur-Sultan jáne Almaty qalalarynda karantindik statsionarǵa jatqyzyldy.
«Jolaýshylar Túrkiia, Mysyr, BAÁ, Belarýs, Grýziia jáne Reseiden halyqaralyq áýe reisterimen keldi», - dedi ol.
