329 قازاقستاندىق ەلگە پتر انىقتاماسىز ۇشىپ كەلدٸ, دەپ حابارلايدى "ۇلت اقپارات".
«بٷگٸن تٷندە شارم-ەل-شەيحتان پتر انىقتاماسىز ۇشىپ كەلگەن نۇر-سۇلتان قالاسىنىڭ 2 تۇرعىنى پتر ساراپتاما تاپسىرۋ ٷشٸن كارانتينگە اپاراتىن ارناۋلى اۆتوبۋسقا وتىرعىزۋ بارىسىندا ەۋەجايدان قاشىپ كەتتٸ. كٶلٸكتەگٸ پوليتسييا قىزمەتكەرلەرٸ شۇعىل ارادا ولاردىڭ تۇرعىلىقتى جەرلەرٸن انىقتاپ, كارانتيندٸك ستاتسونارعا جەتكٸزدٸ», - دەپ جازدى قر كٶلٸكتەگٸ باس مەملەكەتتٸك سانيتار دەرٸگەر سادۋاقاس بايعابىلوۆ Facebook پاراقشاسىندا.
23 قازان كٷنٸ تٷندە ەلٸمٸزگە 11 رەيسپەن 1291 جولاۋشى ۇشىپ كەلدٸ.
«ولاردى 962-سٸندە پتر انىقتاما بولسا, 329 جولاۋشىدا انىقتاما بولماي شىقتى. بۇل رەتتە نۇر-سۇلتان قالاسىنا 5 رەيسپەن كەلگەن 522 جولاۋشىنىڭ 373-ٸندە انىقتاما بولسا, 149-ىندا انىقتاما بولمادى. الماتىعا 5 رەيسپەن 728 جولاۋشى كەلدٸ. ونىڭ 548-ٸ انىقتامامەن, 180-ٸ انىقتاماسىز جەتكەن. ال اقتاۋعا 1 رەيسپەن جەتكەن 41 جولاۋشىنىڭ بارلىعىنىڭ انىقتاماسى بار», - دەدٸ سانيتار دەرٸگەر.
ونىڭ اتاپ ٶتۋٸنشە, انىقتاماسىز ۇشىپ كەلگەن قازاقستان ازاماتتارى پتر ساراپتاما تاپسىرۋ ٷشٸن نۇر-سۇلتان جەنە الماتى قالالارىندا كارانتيندٸك ستاتسيونارعا جاتقىزىلدى.
«جولاۋشىلار تٷركييا, مىسىر, باە, بەلارۋس, گرۋزييا جەنە رەسەيدەن حالىقارالىق ەۋە رەيستەرٸمەن كەلدٸ», - دەدٸ ول.
