Mianmada bilikti basyp alǵan áskerilerge qarsy narazylyqty basý kezinde sársenbi kúni keminde 38 adam qaza boldy. Bul aqparatty BUU da rastady.
Bi-Bi-Si saity 3 naýryzdy áskeri tóńkeristen keiin tutanǵan narazylyqtan bergi eń qandy kún dep atady.
Aqparatqa qaraǵanda, qarýly kúshterge baǵynatyn politsiia birneshe qalada (Iangon, Mandalai, Mindjan t.b) demonstranttar tobyna oq atqan. Qaza bolǵandardyń keminde ekeýi - jasóspirim.
Mianmada 1 aqpanda áskeri tóńkeris bolǵan. Izinshe jappai narazylyq tutanyp, narazylar ustalǵan saiasatkerlerdi qamaýdan bosatýdy da talap etken. Qamalǵandar arasynda qarasha aiyndaǵy parlament sailaýynda jeńiske jetken Demokratiiashylardyń ulttyq ligasynyń jetekshisi Aýn San Sý Chji de bar. Áskeriler onyń partiiasyn sailaý nátijesin burmalady dep aiyptaidy. Olar sailaý komissiiasynyń burynǵy múshelerin taratyp, bir jyldan soń jańa sailaý ótkizbekshi.
BUU-nyń Mianmadaǵy arnaiy ýákili Kristin Shraner Býrgenerdiń málimetinshe, áskeri tóńkeristen keiin bir aiǵa sozylǵan narazylyq kezinde 50-den astam adam qaza bolǵan. Bir kún buryn kórshi memleketter Mianmanyń áskeri basshylyǵyn kúsh qoldanbaýǵa shaqyrǵan.
