ميانمادا بيلٸكتٸ باسىپ العان ەسكەريلەرگە قارسى نارازىلىقتى باسۋ كەزٸندە سەرسەنبٸ كٷنٸ كەمٸندە 38 ادام قازا بولدى. بۇل اقپاراتتى بۇۇ دا راستادى.
بي-بي-سي سايتى 3 ناۋرىزدى ەسكەري تٶڭكەرٸستەن كەيٸن تۇتانعان نارازىلىقتان بەرگٸ ەڭ قاندى كٷن دەپ اتادى.
اقپاراتقا قاراعاندا, قارۋلى كٷشتەرگە باعىناتىن پوليتسييا بٸرنەشە قالادا (يانگون, ماندالاي, ميندجان ت.ب) دەمونسترانتتار توبىنا وق اتقان. قازا بولعانداردىڭ كەمٸندە ەكەۋٸ - جاسٶسپٸرٸم.
ميانمادا 1 اقپاندا ەسكەري تٶڭكەرٸس بولعان. ٸزٸنشە جاپپاي نارازىلىق تۇتانىپ, نارازىلار ۇستالعان ساياساتكەرلەردٸ قاماۋدان بوساتۋدى دا تالاپ ەتكەن. قامالعاندار اراسىندا قاراشا ايىنداعى پارلامەنت سايلاۋىندا جەڭٸسكە جەتكەن دەموكراتيياشىلاردىڭ ۇلتتىق ليگاسىنىڭ جەتەكشٸسٸ اۋن سان سۋ چجي دە بار. ەسكەريلەر ونىڭ پارتيياسىن سايلاۋ نەتيجەسٸن بۇرمالادى دەپ ايىپتايدى. ولار سايلاۋ كوميسسيياسىنىڭ بۇرىنعى مٷشەلەرٸن تاراتىپ, بٸر جىلدان سوڭ جاڭا سايلاۋ ٶتكٸزبەكشٸ.
بۇۇ-نىڭ ميانماداعى ارنايى ۋەكٸلٸ كريستين شرانەر بۋرگەنەردٸڭ مەلٸمەتٸنشە, ەسكەري تٶڭكەرٸستەن كەيٸن بٸر ايعا سوزىلعان نارازىلىق كەزٸندە 50-دەن استام ادام قازا بولعان. بٸر كٷن بۇرىن كٶرشٸ مەملەكەتتەر ميانمانىڭ ەسكەري باسشىلىعىن كٷش قولدانباۋعا شاقىرعان.
