Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin buǵan deiin Reseiden kóship kelgender úshin ashylǵan arnaiy Halyqqa qyzmet kórsetý ortalyqtaryna barǵan. Ministrdiń ortalyqta sóilep turǵan videosyn kóp adam synaǵan bolatyn. «Mýsin ol jerde ne istep júr? Qazaqstandyqtar baratyn HQO-dan kúnde kóre bermeimiz» dep aiyptaǵan. Tilshiler osy synǵa bailanysty ministr ne oilaitynyn surap kórdi, dep habarlaidy Ulysmedia.kz portaly.
«Aiyna kemi bir ret Halyqqa qyzmet kórsetý ortalyqtaryna baramyn. Tekseris retinde. Ár barýymdy jariialamaimyn. Barǵanda bári durys jumys istese nesine jariialaimyn? Aqaýlar bolyp jatsa, olarǵa túsindirme jumystaryn júrgizetinim bar. Al naqty bul jerde nege bardym? Nelikten olarǵa kómektesip jatyrmyn degen suraqtar týyndap jatyr», - dedi Baǵdat Mýsin úkimet kýlýarynda.
Ministr reseilikter úshin arnaiy HQO-lar ne úshin paida bolǵanyn túsindirdi.
«70 myń adam bizge kelip, qazaqstandyqtarmen birge Halyqqa qyzmet kórsetý ortalyqtaryna kirgen kezde, ol jerde bári aralasyp, birinshi kúni byt-shyt boldy ózderińiz biletindei. Sondyqtan olardyń kezekterin aiqyndap, qazaqstandyqtarǵa tolyqqandy ári sapaly qyzmet kórsetilýi úshin ákimdiktermen birigip, arnaiy reseilikter tek sol jerde bolsyn, bizdiń halyqpen aralasyp, qaqtyǵyspasyn dedik. Bul bir», - dedi ol.
Baǵdat Mýsin HQO qyzmetkerleri feisbýk jáne basqa da áleýmettik jeliler arqyly áleýmettik qyzmetter boiynsha ózine shaǵym jazǵanyn aitty.
«Osy jerde jaǵdai joq dep shaǵym keltirdi. Sol jerge baryp, nege sondai kúrdeli jaǵdai qalyptasqanyn bilgim keldi. Barsam, eki kezekke tap boldym. Birinshisi – IIN alýshylar, ekinshi kezekte taǵy 2 myń adam tur. Bul bizdiń «TsON»-dar úshin nagrýzka ǵoi. 20 qyzmetker qabyldaýda, 20 qyzmetker kómekte otyr. 20 qyzmetkerdiń jumysyn rettep, jeńildetý – meniń maqsatym. Sondyqtan jeńildetýdiń arqasynda SMS-habarlama arqyly berilip jatyr. Al 20 qyzmetker qaitadan qazaqstandyqtarǵa qyzmet kórsetip jatyr», - dedi ol.
Ministr birinshi oiy «qazaqstandyqtarǵa sapaly qyzmet kórsetý» ekenin taǵy aitty.
«Ekinshiden, shyndyǵy kerek, olar bizdiń júiege kelgen kezde júieni retteý kerek», - dedi ol.
