تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين بۇعان دەيٸن رەسەيدەن كٶشٸپ كەلگەندەر ٷشٸن اشىلعان ارنايى حالىققا قىزمەت كٶرسەتۋ ورتالىقتارىنا بارعان. مينيستردٸڭ ورتالىقتا سٶيلەپ تۇرعان ۆيدەوسىن كٶپ ادام سىناعان بولاتىن. «مۋسين ول جەردە نە ٸستەپ جٷر? قازاقستاندىقتار باراتىن حقو-دان كٷندە كٶرە بەرمەيمٸز» دەپ ايىپتاعان. تٸلشٸلەر وسى سىنعا بايلانىستى مينيستر نە ويلايتىنىن سۇراپ كٶردٸ, دەپ حابارلايدى Ulysmedia.kz پورتالى.
«ايىنا كەمٸ بٸر رەت حالىققا قىزمەت كٶرسەتۋ ورتالىقتارىنا بارامىن. تەكسەرٸس رەتٸندە. ەر بارۋىمدى جارييالامايمىن. بارعاندا بەرٸ دۇرىس جۇمىس ٸستەسە نەسٸنە جارييالايمىن? اقاۋلار بولىپ جاتسا, ولارعا تٷسٸندٸرمە جۇمىستارىن جٷرگٸزەتٸنٸم بار. ال ناقتى بۇل جەردە نەگە باردىم? نەلٸكتەن ولارعا كٶمەكتەسٸپ جاتىرمىن دەگەن سۇراقتار تۋىنداپ جاتىر», - دەدٸ باعدات مۋسين ٷكٸمەت كۋلۋارىندا.
مينيستر رەسەيلٸكتەر ٷشٸن ارنايى حقو-لار نە ٷشٸن پايدا بولعانىن تٷسٸندٸردٸ.
«70 مىڭ ادام بٸزگە كەلٸپ, قازاقستاندىقتارمەن بٸرگە حالىققا قىزمەت كٶرسەتۋ ورتالىقتارىنا كٸرگەن كەزدە, ول جەردە بەرٸ ارالاسىپ, بٸرٸنشٸ كٷنٸ بىت-شىت بولدى ٶزدەرٸڭٸز بٸلەتٸندەي. سوندىقتان ولاردىڭ كەزەكتەرٸن ايقىنداپ, قازاقستاندىقتارعا تولىققاندى ەرٸ ساپالى قىزمەت كٶرسەتٸلۋٸ ٷشٸن ەكٸمدٸكتەرمەن بٸرٸگٸپ, ارنايى رەسەيلٸكتەر تەك سول جەردە بولسىن, بٸزدٸڭ حالىقپەن ارالاسىپ, قاقتىعىسپاسىن دەدٸك. بۇل بٸر», - دەدٸ ول.
باعدات مۋسين حقو قىزمەتكەرلەرٸ فەيسبۋك جەنە باسقا دا ەلەۋمەتتٸك جەلٸلەر ارقىلى ەلەۋمەتتٸك قىزمەتتەر بويىنشا ٶزٸنە شاعىم جازعانىن ايتتى.
«وسى جەردە جاعداي جوق دەپ شاعىم كەلتٸردٸ. سول جەرگە بارىپ, نەگە سونداي كٷردەلٸ جاعداي قالىپتاسقانىن بٸلگٸم كەلدٸ. بارسام, ەكٸ كەزەككە تاپ بولدىم. بٸرٸنشٸسٸ – يين الۋشىلار, ەكٸنشٸ كەزەكتە تاعى 2 مىڭ ادام تۇر. بۇل بٸزدٸڭ «تسون»-دار ٷشٸن ناگرۋزكا عوي. 20 قىزمەتكەر قابىلداۋدا, 20 قىزمەتكەر كٶمەكتە وتىر. 20 قىزمەتكەردٸڭ جۇمىسىن رەتتەپ, جەڭٸلدەتۋ – مەنٸڭ ماقساتىم. سوندىقتان جەڭٸلدەتۋدٸڭ ارقاسىندا سمس-حابارلاما ارقىلى بەرٸلٸپ جاتىر. ال 20 قىزمەتكەر قايتادان قازاقستاندىقتارعا قىزمەت كٶرسەتٸپ جاتىر», - دەدٸ ول.
مينيستر بٸرٸنشٸ ويى «قازاقستاندىقتارعا ساپالى قىزمەت كٶرسەتۋ» ەكەنٸن تاعى ايتتى.
«ەكٸنشٸدەن, شىندىعى كەرەك, ولار بٸزدٸڭ جٷيەگە كەلگەن كەزدە جٷيەنٸ رەتتەۋ كەرەك», - دەدٸ ول.
