Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Túrkistan oblysynyń Jýsansai aýylyna bardy, dep habarlaidy "Ult aqparat".
«Túrkistan oblysyna sapary aiasynda birneshe eldi mekende boldym. Onyń barysynda internet sapasyna bailanysty shaǵymdar tústi. Birinshi kezekte, Jýsansai aýylyna baryp, onda turǵyndar internet jyldamdyqpen qalai jumys istep jatqany týraly aityp berdi. Áriptestermen birge bailanys sapasyn ólshedik. Bul aýyl «250+» baǵdarlamasy sheńberinde bailanyspen qamtamasyz etildi. Ókinishke orai, bizge jumys esebi berilgendei emes. Bailanys sapasyn jaqsartý qajet etedi. Tekserý ornynda bailanys operatorlarynyń ókilderimen birge ólsheý júrgizilip, qujat toltyryldy. Sheshim bireý - aiyppul salamyz!», dep jazdy ministr Instagram -daǵy paraqshasynda.
Onyń aitýynsha, sapany qolaily deńgeige jetkizgenge deiin aiyppul salý jalǵasa bermek.
«Bul aýyldyń sapasyn maýsym aiyna deiin jaqsartýǵa ýáde berdi, biraq kelissózder nátijesinde operatorlar sáýir aiynda barlyq problemany sheshýi tiis dep kelistik.
Men bailanys sapasyna qoiylatyn minimaldy talaptar durys sheshim ekenine taǵy bir ret kóz jetkizdim! Buiryqta biz jyldamdyqtyń eń tómengi kórsetkishterin 3G - 1 mbit/s kem emes, 4G - 5mbit/s kem emes dep belgiledik. Eger operatorlar halyqqa osyndai jyldamdyqty usyna almasa, qyzmet qunyn arttyrý máselesin kótere otyryp, biz zańmen belgilengen basqa da sharalardy qoldanatyn bolamyz», - dedi Baǵdat Mýsin.
Ministr quzyretti memlekettik organdarmen birge bailanys qyzmetterine baǵany egjei-tegjeili taldaý boiynsha jumys júrgizýge daiyn eken jetkizdi.
