قازاقستان رەسپۋبليكاسىنىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين تٷركٸستان وبلىسىنىڭ جۋسانساي اۋىلىنا باردى, دەپ حابارلايدى "ۇلت اقپارات".
«تٷركٸستان وبلىسىنا ساپارى اياسىندا بٸرنەشە ەلدٸ مەكەندە بولدىم. ونىڭ بارىسىندا ينتەرنەت ساپاسىنا بايلانىستى شاعىمدار تٷستٸ. بٸرٸنشٸ كەزەكتە, جۋسانساي اۋىلىنا بارىپ, وندا تۇرعىندار ينتەرنەت جىلدامدىقپەن قالاي جۇمىس ٸستەپ جاتقانى تۋرالى ايتىپ بەردٸ. ەرٸپتەستەرمەن بٸرگە بايلانىس ساپاسىن ٶلشەدٸك. بۇل اۋىل «250+» باعدارلاماسى شەڭبەرٸندە بايلانىسپەن قامتاماسىز ەتٸلدٸ. ٶكٸنٸشكە وراي, بٸزگە جۇمىس ەسەبٸ بەرٸلگەندەي ەمەس. بايلانىس ساپاسىن جاقسارتۋ قاجەت ەتەدٸ. تەكسەرۋ ورنىندا بايلانىس وپەراتورلارىنىڭ ٶكٸلدەرٸمەن بٸرگە ٶلشەۋ جٷرگٸزٸلٸپ, قۇجات تولتىرىلدى. شەشٸم بٸرەۋ - ايىپپۇل سالامىز!», دەپ جازدى مينيستر Instagram -داعى پاراقشاسىندا.
ونىڭ ايتۋىنشا, ساپانى قولايلى دەڭگەيگە جەتكٸزگەنگە دەيٸن ايىپپۇل سالۋ جالعاسا بەرمەك.
«بۇل اۋىلدىڭ ساپاسىن ماۋسىم ايىنا دەيٸن جاقسارتۋعا ۋەدە بەردٸ, بٸراق كەلٸسسٶزدەر نەتيجەسٸندە وپەراتورلار سەۋٸر ايىندا بارلىق پروبلەمانى شەشۋٸ تيٸس دەپ كەلٸستٸك.
مەن بايلانىس ساپاسىنا قويىلاتىن مينيمالدى تالاپتار دۇرىس شەشٸم ەكەنٸنە تاعى بٸر رەت كٶز جەتكٸزدٸم! بۇيرىقتا بٸز جىلدامدىقتىڭ ەڭ تٶمەنگٸ كٶرسەتكٸشتەرٸن 3G - 1 مبيت/س كەم ەمەس, 4G - 5مبيت/س كەم ەمەس دەپ بەلگٸلەدٸك. ەگەر وپەراتورلار حالىققا وسىنداي جىلدامدىقتى ۇسىنا الماسا, قىزمەت قۇنىن ارتتىرۋ مەسەلەسٸن كٶتەرە وتىرىپ, بٸز زاڭمەن بەلگٸلەنگەن باسقا دا شارالاردى قولداناتىن بولامىز», - دەدٸ باعدات مۋسين.
مينيستر قۇزىرەتتٸ مەملەكەتتٸك ورگاندارمەن بٸرگە بايلانىس قىزمەتتەرٸنە باعانى ەگجەي-تەگجەيلٸ تالداۋ بويىنشا جۇمىس جٷرگٸزۋگە دايىن ەكەن جەتكٸزدٸ.
