Úndistannyń Mýmbai megapolisinde koronavirýs juqtyrǵandarǵa arnalǵan aýrýhanada beisenbide qaitys bolǵandar sany alty adamǵa jetti, dep habarlaidy "Ult aqparat" Reuters agenttigine silteme jasap.
Buǵan deiin The Times Of India gazeti eki adamnyń qaza tapqany týraly habarlaǵan bolatyn.
Qutqarýshylar men órt sóndirýshiler órtengen aýrýhanadan barlyǵy 76 patsientti, onyń ishinde ókpeni jasandy jeldetý apparattaryna qosylǵan jeti adamdy evakýatsiialady. Olardyń barlyǵy basqa aýrýhanaǵa jatqyzyldy.
Koronavirýsty juqtyrǵandarǵa arnalǵan aýrýhana saýda ortalyǵynyń úshinshi qabatynda ornalasqan. Órt onyń birinshi qabatynda shyqqan. Tótenshe oqiǵaǵa kúrdeliliktiń úshinshi sanaty berildi.
Órttiń shyǵý sebebi áli anyqtalǵan joq, tergeý amaldary júrgizilýde.
